Carl rason sa away nila ni Jennica ug Alwyn?

CEBU, Philippines - Si Carl Guevara ang gitumbok nga hinungdan sa sagad nga panag-away nila ni Jennica Garcia ug Alwyn Uytigco.

Pero gikataw-an lang ni Carl ang maong intriga ug sa iyang obserbasyon, normal lang nga i-link sila ni Jennica gumikan kay sila man ang nagpares sa sitcom nga Jejemon sa GMA-7.

Dugang pa sa young actor nga dii siya gusto nga mosamok-samok sa giingong relasyon nila ni Alwyn ug Jennica sanglit saksi siya kung unsa ka sweet ang duha. 

Giingong kanunay nga tigbisitahan si Alwyn sa set sa Jejemon ug magdala og pagkaon alang kang Jennica.

Aminado hinuon si Carl nga crush niya si Jennica apan wa siya’y plano nga modiskarte niini gumikan kay taas siya og repseto kang Alwyn.