Angel big winner sa US Girls August Awards 2010

MANILA, Philippines - Maging sa mundo ng fashion, patuloy na nama­mayagpag ang mga bida ng prime­time na sina Andi Eigenmann, Angel Locsin, Anne Curtis, Erich Gon­zalez, Kim Chiu at Kristine Hermosa ma­ta­pos mag-uwi ng karangalan sa Us Girls August Awards 2010 noong Huwebes (Agosto 19).

Parehong itinanghal na Face of the Year sa Teen Ca­tegory sina Andi ng Agua Bendita at Erich ng Magkaribal, samantalang Face of the Year naman sa 20s Cate­gory si Kim at si Kristine, na dumating sa Icon Bar sa Hotel In­ter­con sa Makati kasama ang kasintahang si Oyo Boy Sotto.

Pinangalanan din ang mga ak­tres na sina Anne Curtis at Iza Cal­zado bilang Best Dressed Cele­brities kasama ng modelong si Geor­gina Wilson, designer na si Mai Kaufman at ang dating Wo­wowee host na si Kelly Misa.

Big winner naman ang prem­yado at mapagkawang-gawang aktres na si Angel Locsin mata­pos tanggapin ang prestihiyosong Icon award dahil sa kan­yang mga tagumpay sa personal at propesyunal na buhay.

Pinarangalan din ang mga taong responsable sa pagpapaganda nila at iba pang celebrities. Hinirang na Stylist of the Year sina Angela Alarcon, Alyanna Martinez at Kat Cruz at sina Mickey See, Lourd Ramos at Claire Diokno naman ang dalawang Make-up Artist of the Year.

Aba­ngan ang highlights ng Us Girls August Awards 2010 tampok ang per­for­mances nina Nikki Gil, Sam Con­cepcion, Velasco Brothers at Kris Lawrence sa Studio 23 sa susunod na Linggo (Agosto 29), 6:30 p.m.