Wendell at Eugene, ikakasal?

MANILA, Philippines - Tuloy ngayong Sabado ang pakikipagsapalaran ng coolest hot mama na si Jejemom!

Sa tulong ng guwapitong pulis na si Dindo (Wendell Ramos), makakaligtas ang buong pamilya ni Gigi (Eugene Domingo) laban sa mga goons ni Lady Gangsta (Ricky Davao).

May pag-asa pa ring ma-unmask kung sino ba talaga si Lady Gangsta kaya lang may isang problema : ayaw ng maging star witness ni Gigi. Mapapahamak lang daw kasi ang pamilya niya.

Titira muna sina Gigi sa isang safe house habang kinukumbinsi siya ni Officer Dindo. Pero buo na ang desisyon ni Gigi, she wants out of the case kaya gagawin niya ang lahat para makatakas sila sa safe house.

Biglang mawawala si G-boy (Buboy Villar). Aakalain nina Gigi na nakidnap ito ni Lady Gangsta pero pinuntahan lang pala n G-Boy si Yamashita. Mare-realize tuloy ni Gigi na importanteng lumaban siya para magkaroon ng hustisya ang lahat.

At dahil dito, lilipat sina Gigi sa isang bagong village at magkakaroon din sila ng bagong identity. Okay na sana ang lahat, pero mawiwindang si Gigi. Kailangan niya ring magpanggap na asawa siya ni Dindo!

Papayag kaya ang ating Jejemom o uurong na naman siya?

Abangan ang pagpapatuloy ng nakakatawa at madramang buhay ni Jejemom at ng buo niyang pamilya ngayong Sabado pagkatapos ng Kaya ng Powers sa GMA 7.