Wa gyud kauyon si Joey!
CEBU, Philippines - Miboycott matud pa si Joey de Leon, hinungdan nga wala siya mitunga sa Startalk niadtong Sabado sa hapon. Ang rason mao ang live appearance ni Willie Revillame sa 24 Oras niadtong Biyernes sa gabii!
Tungod sa TF diay?
Talent fee matud pa ang rason nganong dili mahinayon ang ikatulo unta nga panagpares ni Sarah Geronimo ug John Lloyd Cruz sa pelikula. Wala matud pa matuman ang gibungat nga kantidad ni Sarah hinungdan nga gibasura ang proyekto.
Paabutang ebidensya!
Pamatud-an matud pa ni Liezel Sicangco ang iyang pamahayag batok sa kanhi niya bana nga si Robin Padilla human sa Ramadan.
Okay na si Erap
Maayo na ang kahimtang ni kanhi Presidente Joseph Estrada human siya gidali pagdala sa hospital gumikan sa labihan nga pagdugo sa iyang ilong.
Nagawas na si Pidol
Migawas na sa tambalanan si Dolphy, 82, human siya nalandig sa maong pasilidad gumikan sa depresyon tungod sa pagkamatay sa iyang suod nga mga higala nga sila si Prospero Luna ug Redford White!
Tsugi na ang Simply KC!
Kutob na lang matud pa sa August 27 ang Simply KC tungod kay wala gyuy alibyo ang rating.
May gugma pa ba?
Larawan sa usa ka malipayon nga pamilya sila si Jennylyn Mercado ug Patrick Garcia kauban sa ilang anak nga Alex Jazz Mercado nga nag-birthday ug nanuroy sa Rockwell niadtong Domingo…Gipatik sa www.stir.ph.
Survivor Spoiler: Princess, Ian, Myco, Buwi tagak na!
Sa August 30 pa ang airing sa Survivor Philippines:Celebrity Showdown, sa GMA-7 pero duna nay spoiler kung si kinsa ang mga unang natangtang. Tsika sa PangMasa nga si Princess Snell kanunay na nga makit-an nga murampa sa mga bars dinhi ug si Ian Batherson dali kaayo nga naka-tweet pagbalik niya sa nasud. Nakit-an napud matud pa si Myco Aytona nga nahibalik na og co-host sa Walang Tulugan niadtong Sabado sa gabii, ug sa Party Pilipinas niadtong Domingo, nasud-ong na pud si Buwi Meneses of Parokya ni Edgar band.
Spoiler gyud. Mabuking pud kaha kinsay mudaog, sama sa nahitabo kaniadto sa unang batch diin bag-o pa gani nagsugod, gidungog na nga si JC Tiuseco ang midaog?
Rhian puti kaayog ilok
Pwede matud pa makigtigi si Rhian Ramos og paputiay og ilok kay perteng hamisa gyud og kilikili niini. Pero tsika sa PangMasa nga wala masayod si Rhian nga nakuhaan diay sa camera ang iyang hamis nga mga ilok samtang gi-interview sa set sa Ilumina.
Pang-promo ra na!
Katawa lang ang tubag sa manager ni Lovie Poe nga si Leo Dominguez nga wa pa gani kini ug si Rocco Nacino magkauyab sweet na kaayo ang duruha sa usa’g-usa. Magpares ang duruha sa Hearts Don’t Lie episode sa Lovebug nga magsugod karong August 29. Didto sa Busuanga ug Calauit sa Palawan sila nag-taping.
Rita ug Edgar may pelikula
Ang "Magdamag," nga sinuwat ni Jerry Gracio, ug gibituonan nila ni Rita Avila ug Edgar Allan Guzman, midaog sa ikaduhang ganti sa Palanca Literary Awards- Screenplay Category karong tuiga. Gitakdang isalida kini sa mga sinehan sunod buwan.
Lovie gidapit ni Rocco
Si Lovie Poe maoy special guest ni Rocco Nacino sa birthday party sa iyang inahan niadtong Domingo sa gabii.
Katungod ipatigbabaw ni James
Kapin na sa duha ka semana nga wala makakita si James Yap sa anak nila ni Kris Aquino nga si Baby James busa pormal na siya nga misang-at og petition for visitation kagahapon sa Makati Regional Trial Court.
Youg stars naghandom sa Bb.Pilipinas
Nagplano nga moapil sunod tuig sa Bb. Pilipinas ang Kapuso stars nga sila si Arci Munoz, Rhea Nakpil, Bela Padilla. Naglaraw usab nga moapil og balik ang first-runner up sa miaging tuig nga si Rich Asuncion.
Pagka-sweet naman lang!
Nagkuyog ang mag-uyab nga sila si John Lloyd Cruz ug Shaina Magdayao sa pagpanan-aw sa Game 5 sa PBA Finals sa miaging adlaw kung diin nagtigi ang Alaska ug San Miguel. (Sanden J. Anadia)
- Latest
