P7 million gyud

CEBU, Philippines - Miabot ngadto sa P7 million ang nagasto sa GMA-7 sa gihimo nila nga National Anthem video nga ipakita sa mga SM Malls. Si Mark Reyes ang director niini, samtang si Mr. Jimmy Duavit maoy nagsilbi nga voice over. Ipakita usab kini karong August 22 sa dili pa magsugod ang Party Pilipinas.

Francine, Bobby mihimakak sa isyu

Wala maapektohin ang working relationship nila ni Francine Prieto ug Bobby Yan bisan pa man nga gitupo sila sa mga himantayon. Nagpares ang duha sa usa ka programa sa DZMM ug mao kini ang ugat sa intriga.Matud pa sa duha nga pareho sila nga single apan wala pa sila’y plano nga mosulod sa usa ka seryosong relasyon.

Piolo nagpasalamat ni Zaijian

Kanunay nga blooming si Piolo Pascual kung motikang kini sa set sa Noah. Tsika pa sa aktor nga ganado siya motrabaho gumikan kay puros mga positibo nga feedback ang iyang nadawat sa Noah ug usa sa iyang gipasalamatan sa kalampusan sa maong serye , ang bida niini nga si Zaijian Jaranilla.

Lucky masinabtanon nga anak

Malipayon ang Kapamilya star nga si Lucky Manzano alang sa iyang amahan nga si Edu Manzano kinsa milayat na karon paingon sa GMA-7.Matud pa ni Lucky nga walay problema alang kaniya ang nakab-ot nga desisyon sa iyang amahan sanglit normal lang kini sa showbiz.

Cesar sa FHM

Human ni Robin Padilla, si Cesar Montano na usab maoy ikaduha nga mahimong cover sa FHM nga gikatakdang ipagawas sunod buwan. Samtang gikaho nga usa ka action series ang nag-atang kang Cesar sa GMA-7 sa higayon nga mahuman na ang Ilumina.