Bangs sa FHM Australia

MANILA, Philippines - Kung si Cristine Reyes migawas sa FHM-Germany Spring 2010 issue, ug kansang mga hulagway napatik dinhi sa Hugyaw niadtong Miyerkules, duna pay laing Pinay diay nga gipistahan sa mga langyaw karon nga kliyente sa FHM. Kini walay lain kundili si Bangs Garcia, kansang mga hulagway napatik sa FHM-Australia. Pero daw susama ra kining maong mga hulagway sa napatik sa FHM Philippines kaniadto sa una niyang lugwa sa maong men’s magazine.

Trinidad & Tobago mihubo gyud!

Dili pinugsanay ang topless pictorial para sa mga kandidata sa 2010 Miss Universe pageant. Kini maoy mikatap nga balita sa nagkadaiyang pageant sites kagahapon. Busa dili angay mabalaka si Bb. Pilipinas Charities Inc. chairperson Stella Marquez Araneta nga muhubo pud si Maria Venus Raj.

Ang tsika mao nga kadto lamang mga kandidata nga andam ug tagana nga muhubo para sa ilang official photos sa maong pageant maoy kuhaon og ingon niini nga photos. Ug ang labing maisog nga kandidata nga mitubag sa hagit mao si Miss Trinidad & Tobago La Toya Woods. Suma pa niya, “I feel liberated,” human sa pictorial.

Gidungog pud nga hasta si Miss USA Rima Fakih misanong pud sa topless pictorial. Wala pa hinuoy mga hulagway ni Fakih nga topless sa internet karon.

Anne mihimakak sa isyu

Gihulagway ni Anne Curtis nga usa ka dakong bakak ang mitumaw nga intriga nga matud pa permi siya nga ma-late sa set sa Showtime.

Marian dunay gihangyo

Si Marian Rivera maoy mihangyo sa GMA-7 nga himoong guest ang iyang boyfriend nga si Dingdong Dantes sa “Show Me Da Manny” nga himoon sa Singapore karong August 21 hangtud 22.

Brand new car for Enzo

Giregalohan og bag-ong sakyanan ang bag-ohay lang nga nag-birthday nga si Enzo Pineda gikan sa iyang amahan nga si Eric Pineda. 

Coco gikapoy

Wala na’y plano si Coco Martin nga mopadayon og panguyab kang Erich Gonzales gumikan kay pareho sila nga busy sa ilang mga career.

P.Noy sa Ogie-Regine wedding

Usa si Presidente Noynoy Aquino sa himuong groomsmen sa umaabot nga kasal nila ni Ogie Alcasid ug Regine Velasquez karong Disyembre.

Josenian Nursing Next Top Model

Malampuson ang gipahigayon sa University of San Jose - Recoletos College of Nursing pinaagi sa Nursing Student Council 7th Congress nga Josenian Nursing Next Top Model: Aloha Prince & Princess kaniadtong Sabado, Agosto 7, 2010 diha sa Montebello Villa Hotel Pavillion Garden sa Banilad, dakbayan sa Sugbo. 

Nakuha ni Male Candidate No. 3 Lester V. Campilan II ang titulong Ultimate Top Model: Aloha Prince samtang si Female Candidate No. 6 Victoria Amethyst E. Aviso ang naka-angkon sa titulong Ultimate Top Model: Aloha Princess. Silang duha mga Level III BS Nursing Students.

Gihakot usab nilang duha ang kadaghanan sa mga Major ug Minor Award. Nadawat ni Lester ang: Mr. New Face of Placenta, Mr. Body Fit, Mr. AVON, Mr. Sophie, Carl Miñoza Image Model, Wafer Discovery Model, Best in Production Number, Best in Superstar Casual Wear, Best in Lua Outfit, Best in Fun Wear, Best in Formal Wear ug Mr. Photogenic.

Wala nagpalupig si Victoria kay naangkon usab niya ang: Ms. Body Glutamin, Great Skin Award, Ms. Avon , Ms. Sophie, Carl Miñoza Image Model, Best in Superstar Casual Wear, Best in Formal Wear ug Ms. Photogenic.

Samtang ang ubang mga mananaug og minor awards mao sila si Male Candidate No. 1 Cris Cyrus Chavez (Mr. CJB and Mr. Friendship); Male Candidate No. 2 Marwin John L. Se (Mr. Body Glutamin ug Carl Miñoza Image Model); Male Candidate No. 4 Kevin P. Garcia (Mr. Olive-C); Female Candidate No. 1 Lara Zoraine B. Celis (Ms. CJB, Ms. Olive-C ug Carl Miñoza Image Model); Female Candidate No. 2 Cristine Joy C. Evero (Ms. Body Fit); Female Candidate No. 3 April Jane C. Panugaling (Ms. New Face of Placenta, Wafer Discovery Model, Best in Production Number, Best in Lua Outfit ug Best in Fun Wear) and Female Candidate No. 4 Maria Carmina S. Campued (Ms. Friendship).

Ang mga hurado sa maong modeling search mao sila si Rogelie Catacutan (model/beauty queen), Sky Del Mar (photographer), James Kenneth Cañete (event coordinator, fashion designer, hair & make-up artist, photographer), Jason Baguio (event organizer), Carl Miñoza (fashion designer, make-up artist), Rodel Baring - Silva (event stylist, talent manager, fashion designer) and Marlon Garcia - Wafer (fashion & pageant director, model agent, runway instructor, fashion designer).

Ang maong kalihokan gihatod sa Merge Review, Shakey’s Pizza, Sophie Paris, Wafer Models, Avon, Slimmers World, Superstar Casual, HBC Tatak Exclusibo, Alberto’s Pizza, New Placenta, Glutamin, Olive-C, SSC 29th Congress, Montebello Villa Hotel, Sound Balloon, Joecel Studio, CJB Printz & Layoutz, SHG, Jessie Glova and James Cañete.

Suportado usab kini sa 91.5 Hot Fm, 97.9 Love Radio, Showbiz Sosyal, Banat News ug The Freeman, isip media partners. Dinuyugan usab kini sa mga fashion designers nga sila si Carl Miñoza, Manuel Tumaque, Lemuel E. Rosos ug Didi Araneta alang sa sapot sa Top Model candidates ug ni Roger Gomez para sa Hair & Make-up. Aloha!