Blinky: "I'm Sorry"
CEBU, Philippines - Hay naku naku naku mga ka hugyawnatics, kabonding ug mga kamags, how are you today? Speaking of kamags, nahimong mas hugyaw ug mas kontrobersyal ang model turned TV host turned beauty queen nga si Blinky De Leon gahapon adlawa sa article dinhi sa Banat Hugyaw, kabahin sa pagdeadma ni Blinky sa E-Group (Entertainment Group) sa usa ka hotel sa Sugbo sa milabay nga adlaw.
Nahimong kontrobersyal si Blinky sa dihang miapil kini sa Ms Cebu 2010. Daghan ang miingon nga angay unta wala siya muapil kay sponsor ang ABS-CBN niini kung diin usa siya sa mga hosts sa local magazine show nga MAGTV NA. Ang tinuod, wala gyuy nakuhang special treatment si Blinky sa maong indigay. Nagpa-screen kini sa Miss Cebu nga walay nakuhang tabang sa network, ug gani bisan sa iyang pagdaog isip 4th Runner Up sa Miss Cebu, wala gihapon mahanaw ang intriga. Unsa nalang kaha kung wala kini makadaog? Aduna poy migawas nga kontrobersya kabahin sa iyang lovelife. Pero nagpabiling lig-on si Blinky.
Gahapon sa PALPAK O PAKPAK portion dinhi sa Banat Hugyaw, nahimo napud siyang kontrobersyal. Wala matud pa gitagad ug GI DEADMA ni Blinky ang E-Group sa Sugbo. Sa phone interview, nangayo og pasaylo si Blinky sa mga maanyag ug respetadong editors sa mga newpapers sa Sugbo. “I was really in a hurry kuya, from class, I went straight to Waterfront and from my car, all I could think was the go see for a magazine shoot,” pasiuna pa niya. “Layo ra guro akong panan-aw kuya mao wala gyud ko kita nila. I apologize if I wasn’t able to say hi or even smile at them. If i saw them kuya, i would definitely greet or even beso pud oi. Most of the newspapers in Cebu have done a feature of me so bisan makalimot man gani ko sa ilang pangan usahay, mu smile gyud ko,” dugang say sa MAGTV host.
Nganung mi enter gyud ta ani!!!? Hahahaha... Dili gyud lalim ang naa sa showbiz. Mapa international, national o bisan sa local nga showbiz. Mao nay giingon og matira ang matibay!!! Gamay sayop makit-an dayon. Usa kini ka leksyon dili lang ni Blinky kundi sa tanan nga naa sa showbiz world. Dili man perpekto si Blinky pero usa lang akong masulti niini, usa sya sa mga tawo nga akong nakatrabaho nga adunay buotan nga kasingkasing.
- Latest
