Sports program for Karylle

CEBU, Philippines – Mapahiyumong gipahibalo ni Karylle nga duna siya’y umaabot nga sports program sa Studio 23. Alang kang Karylle, dako kini nga hagit kaniya sanglit first time niya kini nga makaangkon sa maong klase nga programa sa telebisyon.

Chris gihulipan ni Efren

Human sa pipila ka buwan ni Chris Tiu isip host sa programang Ako Mismo sa TV5, gihulipan na siya karon ni CNN Hero of the Year nga si   Efren Peñaflorida.

Sakto ka Laarni

Bisan ASAP XV ra’y programa ni Laarni Lozada sa ABS-CBN, wala maguol ang singer niini gumikan   kay nagbaha man pud ang iyang out of town shows.

Sharon at Home

Plantsado na ang   kaugalingong programa ni Sharon Cuneta sa Lifestyle Network nga nag-ulohan og Sharon at Home ug giingong sugdan na kini karong September.

LJ nanganak na

Malipayong gipahibalo ni Paulo Avelino nga gihimugso na sa iyang girlfriend nga si LJ Reyes ang ilang baby boy niadtong Sabado sa alas tres pasado sa hapon didto sa Amerika.

Redford namatay sa edad nga 54

Nagbangotan ang industriya sa showbiz gumikan sa pagpanaw ni Redford White (Cirpriano Cermeno) kagahapon sa buntag sa edad nga 54 gumikan sa brain cancer. Nalakip si Redford kaniadto sa nagkadaiyang sikat nga mga programa sa telebisyon sama sa Iskul Bukol, Daddy Di Do Du, Kokey ug uban pa.

Lovi nadamay sa isyu?

Hangtud karon pabilin nga nagtingkagol sa prisohan sa Hong Kong si Ronald Singson, ang rumored boyfriend ni Lovi Poe. Matud pa nga niadtong July 11, nadakpan sa kapulisan sa Hong Kong si Ronald gumikan sa paghupot niini og cocaine. Matud pa sa amahan ni Ronald nga si Ilocos Sur Governor Luis "Chavit" Singson nga “brokenhearted" ang iyang anak human kini buwagi ni Lovi niadtong July 9 sa gabii atol sa concert ni Usher sa Mall of Asia.

Paghuwat na lang Cesar!

Gikatahong gitanyagan ni Presidente Noynoy Aquino si Cesar Montano og puwesto sa Philippine Charity Sweepstakes Office. Apan dili kini puwede nga dawaton ni Cesar gumikan kay misalmot ang aktor sa milabay nga piniliay ug suma pa sa balaod nga kinahanglan pa siya nga maghuwat og usa ka tuig aron makahupot og posisyon sa gobyerno.

Miguel dili ganahan mo-arte

Tsika pa ni Miguel Escueta sa exclusive interview niini sa Banat Hugyaw niadtong Sabado nga gitanyagan siya og usa ka acting project sa GMA-7 apan iya kini nga gibalibaran gumikan kay naka-focus siya karon sa iyang singing career ug kontento na siya sa iyang pag-istar karon sa Party Pilipinas.

Gown ni Lani gipangandaman gyud

Naghinam-hinam na si Kongresista Lani Mercado sa State of the Nation Address (SONA) ni President Benigno "Noynoy" Aquino III karong hapon. Suoton ni Lani ang bongga nga color pink nga gown nga mugna ni Paul Cabral.