Say ni James: Loyal pa rin siya key Kris
Hindi magkakilala sina James Yap at Grace Lee kaya bokya ang tsismis na nagli-link sa kanilang dalawa.
Si Grace ang Korean girl na host ng Diz Iz It at siya ang girl na inili-link ngayon sa future ex-husband ni Kris Aquino.
Idinenay kaagad ni Grace ang tsismis na siya ang apple of the eye ngayon ni James. Tama ang maagap na denial ni Grace para hindi na lumaki pa ang isyu at hindi siya mapagbintangan na ginagamit si James, for the sake of free publicity.
Nag-deny na rin si James kay Papa Ricky Lo. Hindi niya kilala si Grace at nananatili raw siyang faithful kay Kris.
* * *
Bruxism pala ang dahilan kaya may kalakihan ang panga ni Charice. Hindi ko alam ang ibig sabihin ng Bruxism pero naintindihan ko ito dahil sa research ng Startalk staff.
Ito raw ang definition ng wikipedia sa Bruxism : Gnashing of teeth is characterized by the grinding of the teeth and is typically accompanied by the clenching of the jaw. It is an oral parafunctional activity that occurs in most humans at some time in their lives. In most people, bruxism is mild enough not to be a health problem.
While bruxism may be a diurnal or nocturnal activity,[2] it is bruxism during sleep that causes the majority of health issues and can even occur during short naps. Bruxism is one of the most common sleep disorders.
May pag-asa na lumiit ang panga ni Charice dahil sa botox procedure sa kanya ni Dra. Vicki Belo. Hindi affected si Mama Vicki sa mga pagbatikos laban sa kanya dahil walang side effect ang ginawa niya kay Charice.
* * *
Ang Dance Showdown ang bagong show ni Mark Herras sa GMA 7. Makakasama ni Mark sa Dance Showdown ang Sexbomb dancers at ang show ang mapapanood sa timeslot ng Diz Iz It.
Kagagaling lamang ni Mark sa Amerika dahil nag-perform siya sa show ng GMA Pinoy TV pero umalis uli siya noong Sabado para sa show naman ng Kapuso stars sa Canada.
Kasama ni Mark sa Canada trip niya sina Iza Calzado at Katrina Halili. May hearing bukas ang kaso na isinampa ni Katrina laban kay Dr. Hayden Kho. Hindi siya makakasipot sa hearing dahil sa show nila sa GMA Pinoy TV.
Nagdeklara na rin si Mama Vicki na hindi na siya dadalo sa mga hearing ng kaso dahil sa pakiusap ni Hayden. Ang sey ni Hayden, sasabihin niya sa korte ang buong katotohanan tungkol sa naging relasyon nila ni Katrina at ayaw niya na marinig pa ito ni Mama Vicki. Ayaw ni Hayden na ma-hurt ang kanyang “girlfriend.”
* * *
Visible sa mga programa ng GMA 7 ang cast ng Diva dahil malapit nang mag-goodbye sa ere ang kanilang show.
Nagpasalamat ang cast ng Diva sa mga tao na walang sawa na sumuporta at sumubaybay sa kanilang primetime show na winner sa rating.
Maganda ang working relationship ng mga artista ng Diva kaya tiyak daw na mami-miss nila ang limang buwan na pagsasama nila sa teleserye na pinagbibidahan ni Regine Velasquez.
- Latest
