Arron magbinayot

CEBU, Philippines - Usa ka bayot ang character ni Arron Villaflor sa umaabot nga comedy film sa Regal Entertainment nga Mamarazzi ug si Xian Lim maoy iyang ka-love interest sa maong pelikula.

Kris ug Erik maghagkanay

Matud pa nga angayan nga atngan ang Maalaala Mo Kaya ugma kay masaksihan ang init nga hinagkanay nila ni Kristel Moreno ug Erik Santos.

Rocco way utang kabubut-on

Nag-atubang karon og negatibong isyu si Rocco Nacino kay matud pa gibaliwala na niini ang tawo nga nakadiskubre kaniya nga si Albert Ba­ligod .

Ikaw ang mag-igo Korina

Giklaro ni Korina Sanchez nga dili siya interesado mohupot og posisyon sa gobyerno gumikan kay malipayon na siya sa iyang pagka-journalist. Andam na mobalik ang aktres sa media world ug nakigtigom na siya sa mga kadagkoan sa ABS-CBN.

Diz Iz It manamilit

Giingong kutob na lang ugma ang programang “Diz Iz It!” sa GMA-7 kay sukad pagsugod niini wala gihapon kini katandog sa kaatbang nila nga Showtime sa ABS-CBN.  

Charity work ni Cogie

Magsaulog na si Cogie Domingo sa iyang ika-25 nga adlaw nga natawhan karong August 15 . Matud pa sa aktor nga mag-selebrar siya sa iyang birthday uban sa mga bata sa Hospicio de San Jose.   Mapasalamaton ang aktor gumikan sa pagbanhaw sa iyang career gani nalakip siya sa sitcom sa TV 5 nga Inday Wanda nga magsugod karong September.

Bag-ong personalidad sa MYX

Ang anak nila ni Martin Nievera ug Pops Fernandez nga si Robin maoy usa sa mga nakadaug sa bag-ohay pa lang nga MYX VJ Search 2010 Finals niadtong Miyerkules . Ang ubang winners naglangkob nila ni Ton de Dios ug   Julz Savard.

Precious ganahan mag-komedyante

Giangkon sa beauty queen nga si Precious Lara Quigaman nga ganahan siya malakip sa usa ka sitcom kay gawas sa iyang pagka-drama actress, ganahan pud siya mosulod sa comedy world aron masuwayan usab niya ang ubang field  sa showbiz. Samtang nalipay ang aktres sa feedback nga iyang nadawat nga matud pa nga angayan kaayo siya sa iyang role isip kontrabida sa Precious Hearts Romances Presents “Impostor” sa ABS-CBN.

 “Mega Drama”

Plantsado na ang tanan alang sa concert ni Sharon Cuneta nga nag-ulohan og “Mega Drama” karong August 7 sa Araneta Coliseum. Guests sa maong konsyerto sila si Kuh Ledesma, Zsa Zsa Padilla, Ogie Alcasid, Ai-Ai delas Alas, Pokwang, ug Sarah Geronimo. Komedya pa ni Sharon nga iyang ipaneguro nga sa maong adlaw, mo- sexy na ang iyang lawas.  

Angelina isip Cleopatra?

Gipadayag ni Angelina Jolie nga usa ka dakong dungog kung siya maoy mapili alang sa papel nga Cleopatra sa umaabot nga biopic “Queen of the Nile, Cleopatra: A Life.” Dili pa segurado kung si Angelina ang modala sa maong role apan tataw nga ganahan gyud ang aktres sa maong role.

Christina nagsabak

Nagsabak karon ang sikat nga Hollywood actress nga si Christina Applegate courtesy sa iyang karelasyon nga si Martyn Lenoble nga usa ka ilado nga Dutch bass player.

George pasidunggan

Gikatakdang makadawat og Bob Hope Humanitarian Award ang Hollywood actor nga si George Clooney sa Emmy Awards sunod buwan. Kini gumikan sa hugyaw niya nga pagkadala sa “Hope for Haiti” TV special.