Pinag-uusapan: James parang basurang itinapon ni Kris

Alam mo, Salve A., mahirap manimbang sa da­la­wang taong kapwa malapit sa aking puso ang writer-turned talent manager na si Norma Ja­pitana at ang (dating?) alaga nitong si Cesar Mon­tano. 

Hindi mo naitatanong Salve A., si Norma J. ang kauna-unahan kong boss. Wala siguro ako sa in­dus­­triyang ito kung hindi dahil kay Norma J. at ma­taas ang aking paggalang at pagpa­pahalaga sa kanya. 

Bukod sa dati ko siyang boss, magkasama pa kami sa PAMI (Professional Artists Man­agers, Inc.) bilang mga founding members. Habang si Bu­boy naman ay isang malapit na kaibigan at kum­pare dahil inaanak namin ang bunsong anak nila ni Sunshine Cruz.

Nung nakaraang Huwebes ay mainit na pinag-usapan sa umpukan ng mga entertain­ment writers ang tungkol sa hindi inaasahang ‘paghihiwalay’ nina Norma J. at Buboy (Cesar) na ikinabigla ng ma­­rami lalupa’t 26 na taon ang kanilang pinag­sa­ma­han. Bilang active member ng PAMI, dumu­log si Norma J. sa organisasyon na may kinalaman sa problema nila ni Buboy.

Nung hapon ng Hu­we­bes ay lumagda ng kon­­trata si Buboy sa GMA na may kinalaman sa dala­wang TV projects na kan­yang gagawin, isang sit­com at isang fantasy-dra­ma series, ang Roma­na Santa (ten­tative title). Pu­mir­ma ng kontrata ang aktor ng walang basbas ang kanyang manager na si Norma J. at ito ang labis na ikinagulat ng huli. Pumirma ng kontrata ang mister ni Sunshine Cruz sa Kapuso Network ka­sama ang kanyang bagong business manager, ang entertainment wri­ter/PR na si Shirley Pizarro.

At kinagabihan ng Huwebes ay nagkaroon ng emergency meeting ang PAMI. 

Sa kanyang contract signing sa GMA, sandali naming nakakuwentuhan si Buboy at sinabi nito na nag-usap na umano sila ni Norma J at sinabi niya sa kanyang (dating) manager na magka­ka­roon na lamang sila ng special arrangement - on a per project basis dahil busy din ito (Norma J.) sa kan­yang ibang talents laluna si Rico J. Puno na madalas niyang sinasamahan sa ibang bansa.

Nangyari ang desisyon na ito ni Buboy nang min­sang sumabit siya sa isang kompormiso sa TM (Globe) nang wala umano siyang kaalam-alam da­hil hindi ito na-coordinate sa kanya ng kanyang manager at staff nitong si Leah.

“Ate Norma will always be a part of me dahil sa matagal na rin naming pinagsamahan. She can still get projects for me, pero may mga projects na puwede kong tanggapin na hindi ko na kai­langang idaan pa sa kanya,” paliwanag ni Buboy.

Kung pinakinggan na ng PAMI ang reklamo ni Norma J. na may kinalaman kay Buboy, bukas din ang organisasyon na pakinggan ang side ng mister ni Sunshine.

Samantala, tinanggap ni Buboy ang alok ng GMA dahil wala naman daw klarong alok sa kanya ang ABS-CBN. Kamuntik na ring maging Kapuso noon si Buboy kung hindi lamang siya nag-back out sa Lupin dahil sa kanyang pagkan­didato sa pagka-senador. 

Nitong nakaraang halalan ay muli siyang tumakbo sa pagka-gobernador ng kanyang home­town sa Bohol pero hindi siya pinalad na ma­na­lo kaya gusto munang isantabi ni Buboy ang kanyang political plans at muli siyang mag-focus sa kanyang showbiz career.“I need to work,” aniya.

Naikuwento nga pala sa amin ni Buboy na wa­lang problema sa kanya kung babalikan ni Sun­shine ang kanyang acting career. Gusto ring mag-showbiz ng teen-age son ni Buboy (kay Teresa Loy­zaga) na si Diego na umuwi galing Australia at kapiling ngayon ni Buboy at ng kanyang misis na si Sunshine.

Ang pagdating ni Diego ay nakatulong para un­ti-unting mabawasan ang pangungulila ni Buboy sa kanyang namayapang anak na si Angelo.

***

Isang rock mini-concert ang magaganap sa ika-pitong kaarawan ni Lorin Gabraiella Gu­tierrez Bek­tas, ang panganay sa dalawang anak ng es­tranged couple na sina Yilmaz Bektas at Ruffa Gu­tierrez sa darating na July 25 (linggo) na gaga­napin sa Wack Wack Golf &Country Club. Du­ma­ting kaya sa kaarawan ni Lorin ang kanyang amang si Yilmaz na matagal nang napapabalitang darating ng PIlipinas para dalawin ang kanyang mga anak?

Dumating din kaya Salve A., ang napa­paba­litang bagong manliligaw ngayon ni Ruffa na si G. Cesar Flores?

Matapos ang short-lived romance nina Ruffa at John Lloyd Cruz, deserve naman ng mommy nina Lorin at Venice na makahanap ng bagong ka­liga­yahan. Si Cesar F. na nga kaya ‘yon?

Sa totoo lang, Salve A., mukhang pang-fo­reigner ang beauty ni Ruffa na kakaiba ang glow ngayon.

***

First it was Phillip Salvador, pangalawa si Joey Marquez at ngayon naman ay si James Yap na parang trapo na basta na lamang ibinasura ni Kris Aquino. Ito ang mga komento ng ma­ra­mi sa pattern ng pakikipag-hiwalay ni Kris sa kanyang mga naka-partner.

Si Ipe (Phillip) ang ama ng panganay ni Kris na si Joshua. Wala namang naging bunga ang re­­las­­yon nila ni Joey Marquez pero napaka-con­troversial din ng kanilang relasyon. 

At ngayon ang cager na si James Yap, ang ta­nging pinakasalan ni Kris matapos ang isang whirl­wind relationship. Meron silang anak, si Baby James. Tulad ng mga naunang relasyon ni Kris, naging napakalaking kontrobersiya rin ng paghi­hiwalay nila na hanggang ngayon ay uma­asa pa rin na maaayos ang kanilang pagsasama pero muk­­hang nilagyan na ito ni Kris ng tuldok.

Hindi man nagsasalita si James sa nangyaring hiwalayan nila ni Kris, halatang nasaktan ito nang husto dahil sa mga pangyayari.