Statement ni Ruffa tungkol kay Cesar F: 'Were just getting to know each other'
Sinabihan na ako na magkakaroon ng meeting ang PAMI dahil pag-uusapan namin ang problema nina Cesar Montano at ng kanyang manager na si Norma Japitana.
Active member si Mama Norma ng PAMI at idinulog niya yata sa samahan ng mga talent manager ang isyu nila ni Cesar.
Alam ko na ang puno’t dulo ng problema nila pero no comment muna ako. Gusto ko munang marinig ang magkabilang-panig dahil tiyak na parehong may katuwiran sina Cesar at Mama Norma.
Pumirma na si Cesar ng kontrata sa GMA 7 noong Huwebes. Invited ako sa contract signing pero hindi ako nakarating.
Kung nakapunta ako sa contract signing, siguradong kukulitin ko si Cesar sa tunay na dahilan ng misunderstanding nila ng kanyang manager.
* * *
Dalawang Cesar ang nasa news ngayon, ang isa ay si Cesar Montano at ang isa ay si Cesar Flores, ang bossing ng Smartmatic na nali-link ngayon kay Ruffa Gutierrez.
Lumalaki ang isyu tungkol kina Ruffa at Cesar F. mula nang magkakilala sila sa post-birthday dinner para kay Ruffa.
Marami ang nangungulit kay Ruffa na magsalita ito tungkol kay Cesar kaya napilitan siya na maglabas ng short statement.
Ang sey ni Ruffa, nasa getting to know each other stage pa lamang sila ni Cesar pero articulate, smart, charming at gentleman ang impresyon niya sa kanyang bagong friend.
“ Were just getting to know each other so its premature for anyone to assume that we’re dating already. He’s a new friend. That’s all I can say for now, “ ang statement ni Ruffa.
* * *
Malapit nang mag-babu sa Pilipinas si Venus Raj dahil lilipad na siya sa Las Vegas para sa Miss Universe 2010.
Tuloy-tuloy ang training ni Venus at kahapon, mismong si Ricky Lo ang nag-training sa kanya sa Araneta Coliseum. Dumaan si Venus sa “question and answer” training para hindi siya kabahan kapag humarap na siya sa mga tunay na judge ng beauty contest na kanyang sasalihan.
Nabigyan na rin si Venus ng US Visa kaya wala nang dahilan para mabulilyaso pa ang pagre-represent niya sa Pilipinas sa Miss Universe.
* * *
Ipakikita ngayong hapon sa Startalk ang mga nangyari sa FHM event kaya dapat tutukan ang aming show.
Napadaan ako sa World Trade Center noong Huwebes at nakita ko ang mahabang pila ng mga tao na gustong makita ang mga nagseseksihang kababaihan ng FHM.
Umapir sa FHM show ang mga Kapuso star na sina Jackie Rice, Iwa Moto, Katrina Halili at ang EB Babes. Wagi raw si Iwa dahil binuhay niya ang dugo ng male audience pero nang-agaw ng eksena si Sheree dahil seksing-seksi ito. Mahirap daw paniwalaan na nanay na si Sheree dahil seksing-seksi siya.
- Latest
