Francine nahasol ni Basyang

CEBU, Philippines - Naapektohan gyud ang sexy star nga si Francine Prieto sa Bagyong Basyang nga miigo sa Luzon gumikan kay hangtud karon nakasinati gihapon ang ilang panimalay og brownout.  

John Foo motikang sa nasud

Motikang dinhi sa Pilipinas   sunod semana ang international star nga si John Foo aron i-promote ang iyang pelikula nga “Tekken” nga giderek ni Dwight H. Little.

Cristine ug Rayver nagpaklaro na?

Gipaila-ila na ni Cristine Reyes si Rayver Cruz ngadto sa iyang inahan apan iyang giklaro nga managhigala lang silang duha.

Tungod na sad ni DIaina?

Gitangtang matud pa si Shivaker sa Eat Bulaga gumikan sa walay closure nga relasyon niini kang Diaina Menezes nga maoy giingong bag-ong uyab karon ni Vic Sotto.

Buot-buot sad

Giklaro sa ABS-CBN nga puros ra pagduda ang taho nga migawas nga mubalik na sa Wowowee si Willie Revillame karong July 31, walay kamatuoran.

Rochelle: Importante ang trabaho

Importante alang kang Rochelle Pangilinan ang iyang trabaho busa iyang gipadayag nga wala’y problema kaniya nga usahay usa ra ang iyang production number sa Party Pilipinas.

Pokwang gihatagan og bus ni Kris

Nahugyaw ang komedyante nga si Pokwang gumikan kay giregalohan siya ni Kris Aquino og usa ka pink mini-bus gumikan sa iyang pagtabang kaniadto sa kampanya ni Presidente Noynoy Aquino.

Salamat Basyang?

Giingong tungod sa bagyong Basyang mikusog sa takilya ang Cinco pagbukas niini sa mga sinehan niadtong Miyerkules, sanglit suspendido man ang klase sa Manila busa mitan-aw na lang og sine ang mga estudyante.

Tungod sa Noah, ABS-CBN nagkamahal

Tungod sa kalampusan karon sa bag-ong teleserye nga Noah sa ABS-CBN starring Piolo Pascual ug Zaijan Jaranilla, gipatas-an na matud pa ang advertising rate sa network. Ang network memo matud pa, nagkanayon nga tungod kay tumanon gyud ang lagda sa KBP nga 15 mins ra ang advertisement sa matag usa ka oras nga programa, kadto rang mga dagko nga advertisers ang garantisado nga dunay spot kada adlaw. Ryan Mark

Erich nagpakahilom

Giklaro ni Erich Gonzales nga wala siya nag-diet ug matud pa niya nga bisan unsa niya kahilig sa pagkaon, lisod gyud siya patambokon busa hangtud karon wa gyud mausab ang ka-sexy sa iyang lawas. Samtang no comment si Erich sa report nga matud pa nanguyab ang iyang ka-loveteam nga si Enchong Dee ngadto sa laing kapamilya star nga si Kim Chiu.

Jolina dunay panawagan

Type ni Jolina nga makaangkon pagbalik og pelikula busa iyang gipanawagan sa GMA-Films nga matagaan siya og proyekto. Bukas usab siya sa posibilidad nga makauban niya pagbalik sa movie ang kanhi niya kapares sa mga pelikula niya kaniadto nga si Marvin Agustin.

Mga kritiko ni Ara nahilom

Nihilom na karon ang mga kritiko ni Ara Mina kinsa misaway sa aktres nga nalaos na matud pa ang career niini. Kini gumikan kay gawas sa seryeng Romana Santa, giingong malakip usab ang sexy star sa umaabot nga untitled sitcom sa GMA-7.

Swarding ug Vice gisabong

Daghan ang naintriga sa pagkatangtang ni Tita Swarding sa pelikulang Petrang Kabayo nga gibidahan ni Vice Ganda. Matud pa sa mga himantayon nga posibling na-insecure si Vice kang Swarding. Apan nidepensa ang mga fans ni Vice pinaagi sa pag-lenngua og ,” Aba si Vice ay kabayong pangarera, kaya’t sosyal. Si Tita Swarding naman, pang-kalesa lang. Kung tatakbo man siya sa racetrack, group 24 lang siya!’”.