Nanay ng aktres mukhang datung!
Nauna lang sa oras ang contract signing ni Heart Evangelista sa GMA 7 kahapon, 2:00 p.m. Sinundan siya ni Cesar Montano, 3:00 p.m.
Si Tita Annabelle Rama pa rin ang nag-represent as manager ni Heart sa kabila ng issue na nagka-problema dati sila.
Ayon sa isang source, meron pang natitirang kontrata si Heart kay Tita Annabelle.
* * *
Mukhang datung pala ang madir ng isang aktres.
Ito raw ang rason kung bakit nagkasira ang mother ng aktres at ang manager nito.
Nagbago raw ng ugali ang nanay ng aktres nang makita ang contract ng anak sa mga assignments na nakuha ng manager.
Nalula raw yata ang nanay sa kita ng anak na aktres. Kasi kung malaki ang talent fee ng actress, malaki-laki rin siyempre ang commission ng manager.
Nanghihinayang daw yata si madir sa ibinibigay na commission sa manager kaya ayun, biglang nagbago ang ugali sa manager ng kanyang anak hanggang umabot sa halos parang masamang-masama na raw ang loob ng kampo ng aktres na magbigay ng kita ng manager.
Naramdaman daw ‘yun ng talent manager. Eh wala naman daw planong maghabol ang manager dahil kung hindi naman daw dahil dito ay tuluyan nang nawalan ng career ang aktres.
Kaya lang, kahit anong sabihin ng nanay ng aktres, wala naman daw itong magawa dahil may kontrata pa ang aktres sa manager.
Ang say ng source, magsasalita sa tamang oras ang manager tungkol dito.
Kaya hintayin natin.
In fairness true ang say ng source na kung hindi naman talaga sa nasabing manager, hindi na sana nabuhay ang career ng aktres.
* * *
Game si Sarah Geronimo sa presscon ng Hating Kapatid kahapon. Game siyang sumagot tungkol sa kanyang lovelife without mentioning kung sino bang guy ang inamin niyang nakasakit ng damdamin niya.
Ayon kay Sarah, natuto na siya sa nangyari. Naka-move on na at ngayon, kaya na niyang sumagot kumpara noon na po at opo lang ang nasasabi niya pag tinatanong siya tungkol sa kanyang lovelife. “Dumating na sa point na nasaktan ako, pero wala na ‘yun. Nasasabi ko na ang nasa puso ko, hindi po at opo na lang,” sagot ng box-office queen kahapon.
Samantala, itinanggi naman ni Sarah ang tsismis na nakita siyang umiiyak kay Megastar Sharon Cuneta after mag-confess ng something. “Wala pong time na mag-usap kami ni Ate Sharon. Di pa po kami dumating sa ganung level ng friendship, saka nahihiya rin po ako,” say niya sa nasabing intriga kung saan nakipagbiritan siya sa Megastar sa Pop Star episode ng Sharon na mapapanood ngayong Linggo sa ABS-CBN.
Hindi naman napilit si Juday na magkuwento tungkol sa mga confessions ni Sarah sa kanya particular na ang tungkol sa kanilang lovelife. “Ako lang talaga ang tsismosa. Kasi si Sarah, hindi siya ‘yung tipo na basta-basta nagku-kuwento, pero hindi ko siya tinigilan. Pero hindi ko puwedeng sabihin kung ano ‘yun, basta ang alam ko, isang lalaki lang ang nanakit sa kanya,” sabay tawa ni Juday.
Sino kaya ang lalaking ‘yun?
Anyway, showing na sa July 21 ang Hating Kapatid na dinirek ni Wenn Deramas for Viva Films.
* * *
Buti naman at naglabas ng official statement ang ABS-CBN tungkol sa ikinakalat na balita ng mga kakampi ni Willie Revillame na kesyo babalik na ito sa programang Wowowee sa July 31.
Heto ang official statement ng Kapamilya Network.
“Ang mga lumalabas na bali-balita tungkol kay Willie Revillame at sa Wowowee ay mga espekulasyon. Nag-usap na ang ABS-CBN management at si Willie kung ano ang options o mga posibleng gagawin pagkatapos ng kanyang break. Wala pang napagkakasunduan ang ABS-CBN at si Willie. Kung mayroon mang pagbabagong magaganap, ito’y opisyal na ipahahayag ng ABS-CBN sa takdang panahon.”
Pirmado ang nasabing statement ni Mr. Bong Osorio, head, ABS-CBN Corporate Communications.
- Latest
