Shooting ng White House inabot ni Basyang
Scene : Ngayong gabi ang FHM party sa World Trade Center. Nagkakaubusan ng tickets sa much-awaited annual event ng FHM.
Seen : Inabot ng bagyong Basyang ang shooting sa Tanay ng White House, ang horror movie ng Regal Films. Mga puno na nakatumba ang nakaharang sa kalsada na dinaanan ng sasakyan ng mga artista ng White House.
Scene : Ang tapusin ang pag-aaral ang kundisyon ni Cesar Montano sa anak na si Diego bago ito payagan na mag-artista. Si Diego ang anak nina Cesar at Teresa Loyzaga na gustung-gustong mag-artista.
Seen : Hinihintay na ng mga empleyado ng MTRCB ang bagong pinuno na ipapalit ni P-Noy kay Chairman Marissa Laguardia. Nag-expire na noong June 30, 2010 ang mga deputy card na pirmado ni Laguardia.
Scene : Bibinyagan sa Linggo sa Christ The King Green Meadows si Xonia Aitana Contis, ang lovechild nina Paolo Contis at Lian Paz.
Seen : Walang impact ang pag-amin ni Mariel Rodriguez na nakikipag-date siya kay Robin Padilla dahil matagal na niyang ipinararamdam na may gusto siya sa sikat na action star.
SEEN : Ang mga dasal at pag-asa ng mga artista ng Cinco na panoorin ng mga tao ang kanilang pelikula sa kabila ng brownout at bagyo kahapon.
- Latest
