Claudine at Mark Anthony tuloy na ang pagsasama

Tiniyak ng aking source na mapapanood si Mark Anthony Fernandez sa isang episode ng drama anthology ni Claudine Barretto pero hindi niya sinabi ang petsa.

Naayos na ang misunderstanding at mis­com­munication sa pagitan ng dalawa kaya libre nang lumabas si Mark sa drama show ng kanyang ex-girlfriend.

Sure ako na aabangan ang pagsasama ng dating magdyowa sa isang TV show. Dalaga pa yata si Claudine nang huli silang magtambal ni Mark.

Malakas ang duda ko na ang binabalak na guesting ng aktor sa drama show ng aktres ang hindi magiging una at huli. Malaki ang tsansa na magkasama sila sa isang teleserye dahil mga Ka­puso stars na sina Mark at Claudine.

* * *

Mapapanood sa Cultural Center of the Phi­lippines (CCP) ang inaabangan na pelikula ni Ma­rio O’ Hara na pinagbibidahan ni Alfred Var­gas, Ang Paglilitis ni Andres Bonifacio.

Heto ang screening schedule ng Andres movie para sa mga kapakanan ng mga nagtatanong dahil gusto nilang mapanood ang comeback movie ni Alfred: July 12, 9 p.m., Tanghalang Batute, July 13, 12:45 p.m., CCP Main Theater; July 14, 3:30 p.m. Tanghalang Batute; July 15, CCP Little Theater; July 16, 3:30 p.m., CCP MKP Hall; at July 17, 9 p.m., CCP Main Theater.

* * *

Isang period movie ang Paglilitis ni Andres Bonifacio kaya kuntodo costume ang mga artista nito.

Literal na nagdusa sa shooting si Alfred at ang kanyang mga co-stars dahil summer season nang mag-shooting sila. Mainit sa katawan ang costume pero hindi sila nagreklamo dahil alam nila na magandang pelikula ang kanilang ginagawa.

Dream movie ni Alfred ang Bonifacio project at madodoble ang kanyang happiness kung ma­papansin ng mga film critics at award-giving bodies ang performance niya sa pelikula.

* * *

Hindi ako magugulat kapag napuno ng mga tao ang mga screenings ng Andres Bonifacio sa CCP.

Marami sa mga constituents ni Alfred sa District 2 ng Quezon City ang gustong manood ng kanyang pelikula. Sa dami nila, pupusta ako na walang silya sa loob ng sinehan ang maba­ba­kante.

* * *

Nag-taping na si Maricel Soriano para sa Pil­yang Kerubin pero pahulaan pa rin kung magiging Kapuso na rin siya.

Bihirang lumabas si Maricel sa GMA 7 kaya inaabangan ang guesting niya sa Pilyang Kerubin.

Excited na ang mga fans ni Maricel na mapa­nood siya sa show ng Kapuso. Nag-promise sila na susuportahan at susundan si Maricel, kahit saang network ito magpunta.

* * *

Lumipad si Dr. Vicki Belo sa Hong Kong noong Sabado dahil dumalo siya sa isang beauty con­vention.

Mabilis na nakapag-move on si Mama Vicki. Hindi na niya dinaramdam ang pagdukot sa kan­yang wallet nang manood siya ng concert ni Usher noong Biyernes.