Sen. Bong 'di na lilipat sa Kapamilya, balik-Kapuso

MANILA, Philippines - Ngayong Linggo, tunghayan ang inaabangang pag­ba­balik ni Bong Revilla sa Kap’s Amazing Stories. Kaya hindi true magiging Ka­pamilya na siya.

Matapos ayusin ang kanyang mga panguna­hing tungkulin, puno ng pananabik ang senador ng bayan na magbalik-hosting sa Kapuso Net­work. Bilang pabuwenas, buong tapang at saya niyang sasagutin ang mga katanu­ngan ng mga tao tungkol sa mga hayop na maki­kita sa iba’t ibang bahagi ng mundo.

Kilala ang mga dolphins sa pagiging matalino pero bakit kaya gumagwa ng bu­ha­nging ipo-ipo sa ilalim ng dagat ang mga bottlenose dol­phins ng Florida? Matalino nga ba ang mga mammals na ito o sadyang mapaglaro lang?

Bukod sa pagkakaroon ng kakaya­hang mag-camouflage, may isa pang alas ang mga cha­me­leon. Kaya rin nilang pali­parin ang ka­ni­lang mga malagkit at maha­bang dila sa rate na 50 feet per se­cond. Ala­min ang mga nakakahindik na maga­ga­wa ng super tongue na ito.

Kaya bang maisahan ng mumunting seal ang dambuhalang killer whale? Gaya ng pagpapa­tumba ni David kay Goliath, tunghayan kung paa­no tatakasan ng crab-eater seal ang isang grupo ng mga nagsi­­si­gutumang killer whales.

Panghuli ay ang mga cheetahs sa Kenya. Ma­bi­lis man mangaso, ang uri nila ay may pagka­pa­yat at pagkagaan. Kaya tutukan kung paano papa­taubin cheetah ang isang ostrich na mas ma­tang­kad, mas mabigat at mas matinding sumipa kaysa sa kanya.

Biggest loser Pinoy Edition, dadagundong na!

Mula sa istasyong nagbigay sa bayan ng mga sikat na reality TV show ­tulad ng Pinoy Big Bro­ther, Pinoy Dream Academy at Pinoy Fear Fac­tor, inihahandog ang pinakabago at pina­kama­laking reality series sa bansa, ang Biggest Loser Pinoy Edition! 

Unang sumikat ang The Biggest Loser sa Ame­rika dahil sa kakaiba nitong konsepto kung saan ang mga bigating kalahok ay dumadaan sa ma­tinding training at diet, sinusubukan ang tatag ng katawan at kaloo­ban alang-alang sa kanilang pina­­kamatinding hangarin - ang maba­wasan ng tim­­­bang. Ang kalahok na pinakamalaki ang por­­­si­­yen­­­tong nabawas na tim­bang ang idinedek­larang panalo sa prog­rama.

Sa Pinoy Edition, asahan ang mga kakaibang twists na akma sa pan­lasa ng mga Filipino.

Ang lahat ng may tapang ng loob na harapin ang bigating ha­mon ay maaring sumali sa au­di­tions na nagsimula kahapon at susundan naman ng audi­tions sa Hulyo 16 sa Metro Town Mall, Tarlac, July 30 Park Mall Cebu, Agosto 6 sa Embarca­dero de Legaspi, Le­gas­­pi City, at Agosto 13 sa SM City Ilolo.

Iniimbitahang luma­hok ang mga babaeng may tim­bang na 200 pounds pataas o lalaking may bigat na 250 pounds pataas, 18 to 40 gulang, Pili­pino, at na may mala­kas na pangngatawan. Ka­ilangan lang magdala ng isang ID na-valid at mga litratong close-up at whole body.

Mamasyal sa Rizal

Matapos matunghayan nung isang linggo ang pana­yam ng Life and Style with Gandang Ricky Reyes kay Governor JunjunYnares ng Rizal, ilili­bot naman tayo ni Mader Ricky sa mga maga­gan­­­da at matulaing lugar sa maunlad na pro­bin­siyang ito.

Inamin ng LSWGRR host-producer na ang mga napuntahang mga anti­gong simbahan sa Baras at Boso­boso, ang kagilagilalas na Mystical Cave at dinarayong Daranak Falls ay tunay na pang-akit ng mga turistang mahilig mag-nature tripping at saglit na magbakasyon sa isang tahimik na lugar na di naman kalayuan sa siyudad.

Ipakikita rin sa programa ang mga artwork ng national artist na si Botong Francisco at Maestro Lucio San Pedro na kapwa taga-Rizal. Tiyak na malaking kaya­manan na ang halaga ng mga ob­rang ito na umaakit sa mga art enthusiast at collector.

Sa Great Hair Day ay tampok ang estudyanteng si Ri­chel­le Romero na ime-make over ni Mader. Ang seksing si Janna Dominguiez ang co-host sa segment na ito na laging inaabangan dahil may demo ng madadaling paraan ng paglalagay ng make up at pag-aayos ng buhok.

Kung may pagkaseksi ang Belly Dancing na gi­nawa ni Regine Tolentino nung isang linggo bilang mabisang panpaliit ng katawan, medyo class at romantiko naman ang ipakikita niya nga­yong Paso Doble sa Gandang Body.