Dahil sa takong, Pokwang nahirapang maglakad!

Seen : Ngayon ang exhibit ng mga painting na likha ni Juan M. Feleo aka Johnny Delgado. Maskarang Totoo : The Works of Juan M. Feleo ang pamagat ng exhibit na gaganapin sa Pasilyo Guillermo Tolentino, 3rd floor, Cultural Center of the Philippines.

Scene : Hirap na hirap si Pokwang sa paglalakad nang dumating siya sa presscon ng Cinco dahil sa mataas na takong ng kanyang sapatos. Inakay si Pokwang upang makalakad siya nang maayos.

Seen : Nagwakas na kagabi ang Kung Tayo’y Magkakalayo. Walang ipinagkaiba ang acting ni Coco Martin sa Kung Tayo’y Magkakalayo at sa acting niya noon sa Tayong Dalawa.

Scene : Nagagamit si KC Concepcion sa promo at publicity ng Noah. Hindi dapat mag-react si KC sa isyu na dinalaw niya si Piolo Pascual sa taping ng Noah upang hindi siya magamit. Kung hindi totoo, eh di hindi!

Seen : Nagpa-cute kay Usher ang ABS-CBN reporter na si Gretchen Fullido sa presscon noong Huwebes.

Scene : Sinubukan kahapon ni Usher na sumakay sa jeep at nag-enjoy siya.

Seen : Imbiyerna si KC Montero dahil nag-promote siya ng concert ni Usher sa kanyang radio program ngunit hindi siya binigyan ng complimentary ticket. Dapat malaman ni KC na naghahanap din ng complimentary tickets ang mga empleyado ng Channel V na organizer ng concert ni Usher.