GMA leader pa rin sa Mega Manila sa second quarter ng 2010
MANILA, Philippines - Patuloy na nanalasa sa TV ratings sa viewer-rich Mega Manila nitong ikalawang quarter ng 2010 ang GMA 7. Ito ay ayon sa kinikilalang TV ratings data supplier na Nielsen TV Audience Measurement.
Nasa Mega Manila ang 55 percent ng total urban television households sa buong bansa. Binubuo ito ng Metro Manila at suburbs - parte ng Bulacan, Pampanga, Cavite, Laguna at Rizal. Ang Cavite suburbs ay bumubuo sa 94.7 percent ng total TV households sa buong lalawigan ng Cavite; samantalang ang Laguna suburbs naman ay bumubuo sa 66.4 percent ng total TV households sa lalawigan ng Laguna. Ang Rizal suburbs naman ay bumubuo sa 96.6% ng kabuuang TV households sa lalawigan ng Rizal.
Ang malalaking bahagi ng Cavite, Laguna at Rizal, na bahagi ng Suburbs sa Mega Manila, ay bumubuo rin sa tinatayang 60 percent ng South Luzon coverage sa National Urban Television Audience Measurement (NUTAM). Patuloy na lumalamang ang GMA Network sa Mega Manila Suburbs, kung saan kabilang ang nasabing key areas.
Mula Abril hanggang Hunyo 2010 (figures mula Hunyo 27 hanggang 30 ay base sa overnight data), nagtala ang GMA ng average total day audience share (6:00 a.m. to 12:00 mn) ng 34.6 percent.
Ang Nielsen TV Audience Measurement na ginagamit ng GMA Network ay ginagamit din ng hindi bababa sa 23 iba pang local companies kabilang ang isa pang TV Network (hindi ABS-CBN). Ang mga top media agency kasama ang anim na regional clients ay pawang nagsu-subscribe sa Nielsen TV Audience Measurement.
- Latest
