Echo gipaila-ila na sa pamilya ni Cesca

CEBU, Philippines - Giangkon ni Cesca Litton nga iya na nga napaila-ila ang iyang rumored boyfriend nga si Jericho Rosales ngadto sa   iyang pamilya. Subling gipadayag ni Cesca nga dili siya ganahan mohatag og daghang detalye kabahin sa estado nila ni Echo gumikan kay wala siya naanad nga masulod sa intriga.

Showtime nagpabiling lig-on

Wala gihapon mahadlok ang kampo sa programanng Showtime sa ABS-CBN sa mga bag-ong segments nga giumol sa kaatbang nila nga Diz Iz It sa GMA-7 gumikan kay masaligon sila nga mutuod gyud kanila ang ilang mga viewers. Tsika pa sa host sa Showtime nga si Vhong Navarro nga ang paghatag og kalingawan maoy bugtong tumong sa iyang programa.

Album ni Toni gilusad na

Gilusad na ang ikalima nga music album ni Toni Gonzaga sa Star Records nga nag-ulohan og “All Me”. Matud pa nga gawas sa Pilipinas, ilusad usab ang maong album   sa ubang nasud sa Asya. Sa pagka-karon giandam na ni Toni ang iyang kaugalingon alang sa paglingkod niya isip bag-ong host sa The Buzz karong Domingo.

Ara matinabangon  nga aktres

Samtang nagpaabot og maayong opportunidad sa showbiz, namaligya karon og mga sinina si Ara Mina gumikan kay gusto niya nga makatabang sa iyang isigkatawo. Ang kita niini mupadulong sa iyang Ara Mina Foundation.

Tribute for Dolphy

Gipangandaman gyud sa TV 5 ang tribute alang sa ilang talent nga si Dolphy kinsa magsaulog sa ika-82 nga adlaw niya nga natawhan karong July 25. Giingong target karon sa TV 5, ang pagpahugyaw sa  sitcom ni Dolphy nga Pidol’s Wonderland.

Cebu gisuroy ni Heart ug Mark

Nia na dinhi sa Sugbo ang casts sa teleserye sa GMA-7, ang “Langit Sa Piling Mo.” Pinanguluhan nila ni Mark Herras ug Heart Evangelista, nag-taping sila diha sa Fuente Osmeña, Capitol grounds, Cebu Metropolitan Cathedral, Cebu City Hall, ug sa palibot sa Magellan’s Cross, ingon man sa E-Mall.

Toni-Robin movie dili madayon?

Dili na matud pa mahinayon ang pelikula nila ni Toni Gonzaga ug Robin Padilla sa Star Cinema busa walay nahitabo nga first shooting day kagahapon. Ang tsika nga nasagap sa Pang-Masa lahi nga pelikula na lang ang himuon ni Robin kauban sila si Pokwang ug Mariel Rodriguez.

Jobert, Phoem ang out

Gawas kang Phoemela Baranda, mawagtang pud matud pa sa The Buzz sugod karong Domingo si Joebert Sucaldito. Ang tsika, dunay himuong lahi nga show sila si Jobert ug Phoem.

Cebu gisuroy ni Heart ug Mark

Nia na dinhi sa Sugbo ang casts sa teleserye sa GMA-7, ang “Langit Sa Piling Mo.” Pinanguluhan nila ni Mark Herras ug Heart Evangelista, nag-taping sila diha sa Fuente Osmeña, Capitol grounds, Cebu Metropolitan Cathedral, Cebu City Hall, ug sa palibot sa Magellan’s Cross, ingon man sa E-Mall.

Toni-Robin movie dili madayon?

Dili na matud pa mahinayon ang pelikula nila ni Toni Gonzaga ug Robin Padilla sa Star Cinema busa walay nahitabo nga first shooting day kagahapon. Ang tsika nga nasagap sa Pang-Masa lahi nga pelikula na lang ang himuon ni Robin kauban sila si Pokwang ug Mariel Rodriguez.

Jobert, Phoem ang out

Gawas kang Phoemela Baranda, mawagtang pud matud pa sa The Buzz sugod karong Domingo si Joebert Sucaldito. Ang tsika, dunay himuong lahi nga show sila si Jobert ug Phoem.