Rufa Mae 'di nakalimutang batiin si FG
Nag-enjoy ako kahapon sa panonood ng Paparazzi dahil sa mga pasabog ni Ruffa Gutierrez sa kanyang birthday celebration.
Inamin ni Ruffa na naging special friends sila ni John Lloyd Cruz pero hindi shocking para sa akin ang kanyang admission dahil nagkuwento na siya noon sa akin sa presscon ng Working Girls 2010.
Naaliw lang ako sa kuwento ni Ruffa na hindi totoo na si John Lloyd ang kasama niya sa pagbibisikleta sa paligid ng The Fort dahil ibang mhin ang kanyang ka-bike.
Siyempre, news para sa mga reporters ang pagtataka ni Ruffa dahil Ruffa na lang ang tawag sa kanya ni John Lloyd. Dati-rati raw ay Sharmaine ang tawag sa kanya ng ex-special friend niya.
Nag-promise si Ruffa na kahapon ang first and last time na magsasalita siya tungkol sa nakaraan nila ni John Lloyd dahil may girlfriend na ito, none other than Shaina Magdayao.
Isa lang ang napuna ko habang nagbabasa ako ng isang local magazine. Napansin ko na may pictorial si Shaina na mala-Ruffa ang kanyang makeup at hairdo. Walang malisya ang opinyon ko ha? Napansin ko lang.
* * *
Halatang-halata ang kaba ni Rufa Mae Quinto nang sumalang ito kahapon sa Don’t Lie to Me dahil nakakaloka ang mga tanong sa kanya ng special interrogator na si Ricky Lo.
May dahilan si Rufa Mae para ma-tense dahil leading ang mga tanong ni Papa Ricky tungkol sa kanyang mystery dyowa na Papa M ang clue.
In fairness to her, isa lang ang lie sa mga sagot niya na hindi nakalimutang i-greet ng happy birthday si First Gentleman Mike Arroyo. Kahapon ang birthday ni FG at 64 years old na siya!
* * *
Read ninyo ang e-mail na ipinadala sa akin ni Robbie Ann Balagtas tungkol kay James Yap at sa schedule nito sa Miyerkules. Mukhang idol ni Robbie Ann si James dahil alam niya ang mga activities ng asawa ni Kris Aquino:
Hello po Manay Lolit! Meron lang akong i-share ulit na something interesting for me. Hindi ko lang po sigurado kung interesado rin kayo.
James Yap and his team, Bmeg Derby Ace (formerly Purefoods), will be playing tonight. If they win against their opponent, there will be a playoff match on Wednesday! Importanteng laban ’yung sa Wednesday kasi makakasiguro sila ng isang semi-final slot sa PBA.
And Wednesday is also the inauguration of his brother-in-law, President Noynoy although morning till afternoon lang naman siguro ang inauguration at gabi pa naman ang game.
I doubt if James will attend the inauguration ceremony for two reasons: 1. He might need some time to rest for a very important game on that night, and 2. Kris Aquino will definitely be there behind her brother...”
Malalaman natin ang tumpak na kasagutan sa darating na Miyerkules kung aapir si James sa Quirino Grandstand.
* * *
Si Dennis Trillo ang kontrabida sa mga karakter nina Dingdong Dantes at Marian Rivera sa Endless Love.
Tinanggap ni Dennis ang role dahil challenging ito. Actually, bida-kontrabida ang role kaya lalong na-excite si Dennis sa role na ipinagkatiwala sa kanya ng GMA 7.
At kahapon sa Showbiz Central, umamin si Dennis na happy siya sa kanyang lovelife. Obvious ba na si Jennylyn Mercado ang nakakapagpasaya ngayon sa kanya?
- Latest
