Paa ni Lovi nagkanindot ang porma

CEBU, Philippines - Daghan ang nakadayeg sa pamorma sa paa ni Lovi Poe sa dihang mitambong kini sa special screening sa Endless Love sa SM Megamall Cinema 1 niadtong Miyerkules diin miuban usab kaniya ang iyang boyfriend nga si Ronald Singson. Nag-denim shorts lang si Lovi busa tataw kaayo ang pamorma sa iyang paa. Sweet kaayo sila si Lovi ug Ronald sa maong event busa hanap ra ang balita nga matud gubot ang ilang relasyon.

Jolo naning sa iyang role

Nagpunay og panindot sa iyang lawas si Jolo Revilla aron mas angayan siya nga lantawon sa iyang role isip pulis sa seryeng Noah sa ABS-CBN nga gibidahan nila ni Piolo Pascual, Zijan Jaranilla ug Kristine Hermosa. Gani nag-taping na si Jolo sa maong serye niadtong Miyekules didto sa Subic.

Kristoffer ug Kathryn nagmalaumon

Nagmalaumon ang mga batang artista nga sila si Kristoffer Martin ug Kathryn Bernardo nga mapansin sila sa publiko pinaagi sa Endless Love. Ang duha maoy midala isip Johnny ug Jenny sa maong teleserye nga gibidahan nila ni Dingdong Dantes ug Marian Rivera. Gusto nila nga masusama sila sa status karon nila ni Joshua Dionisio ug Barbie Forteza nga nailhan usab tungod sa serye nga Stairway To Heaven. 

Liwat sa daddy

Liwat kaayo ni Paulo Avelino ang umaabot nga baby boy nila ni LJ Reyes. Gumikan sa modern technology nga 4D, nalantawan ang hitsura sa bata nga nganlan nila og Ethan Akio sa higayon nga matawo na kini sa sabakan ni LJ. Jangtud karon dili pa segurado kung makaapas pa ba si Paolo kang LJ didto sa New York gumikan kay hangtud karon wala gihapon kini kakuha og US Visa.

Wilma gibadlong sa QTV

Gibadlong sa mga kadagkoan sa QTV 11 si Wilma Doesnt gumikan sa pagsige og promote niini sa P.O.5 (musical variety show sa TV 5) sa programa niya nga Sweet Life.

Rochelle okay na

Okay na ang kahimtang ni Rochelle Pangilinan human kini matagak sa sawog   sa miaging adlaw atol sa rehearsal sa iyang dance number sa 60th anniversary sa GMA-7.

Will ug Wendy uyab?

Gihugon-hugon nga dunay tinagoang relasyon sila si Will Devaughn ug Wendy Valdez gumikan kay kanunay kini nga masigpatan nga magkuyog permi sa pagpanuroy sa mall didto sa kaulohan.

Alex tagaan og movie project

Matud pa nga nagplano karon ang TV 5 nga mogama og pelikula nga bidahan sa prinsesa sa ilang network nga si   Alex Gonzaga apan wala pa sila’y napilian kung kinsa ang mahimong leading man sa young actress.

Boobs ni Bangs natural

Gipadayag ni Bangs Garcia nga migamit lang siya og push-up bra busa dili tinuod ang mitumaw nga obserbasyonn nga matud pa nagparetoke siya sa iyang boobs.

Lucy magpabilin sa Sweet Life

Giklaro ni Lucy Torres-Gomez nga giusab na ang schedule sa taping sa iyang programa nga QTV 11 aron dili kini makaapekto sa iyang trabaho isip kongresista sa Leyte. 

Dili gyud puwede

Dili madayon ang talk show sa Siyete nga paresan unta sa mag-uyab nga sila si Iya Villania ug   Drew Arellano. Kini gumikan kay naa pa’y kontrata si Iya sa Dos.