Luis magpabilin sa E-live
CEBU, Philippines - Gihimakak ni Luis Manzano ang taho nga matud pa mawala siya sa dili madugay sa showbiz talk show nga Entertainment Live aron siya maka-focus sa bag-ong game show sa Dos nga nag-ulohan og Panahon Ko To diin iyang kauban isip host si Billy Crawford. Matud pa ni Luis nga magpabilin gihapon siya sa E-live sanglit wala kini maka-conflict sa uban niya nga schedule.
Maxene: Ayaw hilabti akong private life!
Giangkon ni Maxene Magalona sa presscon sa Trudis Liit nga dili siya ganahan nga hilabtan ang pribado niya nga kinabuhi busa hangyo niya sa iyang mga kritiko nga mohunong na sa pagsaway kaniya. Misamot karon ka-sexy ang aktres kay todo nga pagwork-out ang iyang gibuhat karon.
Ang bonggang 60th anibersaryo sa GMA
Nagmalampuson ang ika-60 nga anibersaryo sa GMA-7 niadtong Biyernes sa gabii diin gisugdan kini pinaagi sa usa ka hugyaw nga production number. Ang maong kalihukan gitawag og GMA at 60, The Heart of Television nga makita usab sa SNBO karong June 27. Miabot og dose ka production numbers ang maong event busa daghan ang mihangop niini.
Sharon magpaniwang tungod ni Gabby
Obligado ang mega star nga si Sharon Cuneta nga magpaniwang gumikan kay importante kini kung madayon ang giplano nga pelikula nga paresan nila sa kanhi niya bana nga si Gabby Concepcion. Matud pa nga seguradong hangpon sa publiko kung madayon ang maong plano sanglit wala pa mahupas ang karisma ngadto sa publiko.
TV 5 gidedma sa Dos
Miisa ang mga kilay sa fans ni Willie Revillame gumikan sa giingong wala pagtubag sa ABS-CBN sa suwat nga gipadala gikan sa TV 5 aron ipananghid ang TV host nga mo-guest sa programa nila nga P.O.5. Matud pa nga dili na lang idayon sa TV 5 ang pagpakita sa presensya ni Willie sa maong programa aron wala sila’y problema nga masugatan.
Sarah pasok sa White House
Si Sarah Lahbati maoy hulip sa gibiyaan nga role ni Melissa Ricks sa horror movie nga “Whitehouse” sa Regal Films.
Follow-up project ni Jen
Human sa Gumapang Ka Sa Lusak, ang TV remake na pud sa pelikula niadto ni Vilma Santos nga “Saan Nagtatago ang Pag-ibig?” maoy sunod nga proyekto ni Jennylyn Mercado sa Kapuso Network.
In Your Eyes hapit na mahuman
Duha nalang ka mga mga adlaw ang nahibilin aron hingpit na nga mahuman ang shooting sa pelikula nga In Your Eyes nga gibidahan nila ni Richard Gutierrez, Anne Curtis, ug Claudine Barretto.
Jay dili type ni Kris
Giklaro ni Kris Bernal nga dili niya type si Jay Perillo busa hangyo niya nga hunongon na ang paglambigit sa iyang pangalan ngadto sa batan-ong singer.
Pangandoy ni Jovit
Gipangandoy sa Pilipinas Got Talent Grand Winner Jovit Baldivino nga makauban niya sa usa ka show ang iyang giidolo nga si Arnel Pineda.
Piolo ipares kang Jodi
Asawa ni Piolo Pascual ang role ni Jodi Sta. Maria sa seryeng Noah gumikan kay buot suwayan sa ABS-CBN ang ilang karisma sa TV screen.
Mark mitikang sa Malaysia
Mitikang si Mark Bautista sa Malaysia alang sa iyang series of shows sa maong nasud hinungdan nga wala siya katunga sa 60th anniversary show sa GMA 7 niadtong Biyernes sa gabii. (Reyshel Day R. Capablanca , USJ-R Masscomm intern)
- Latest
