Mga babaye ni Jolo di mag-abot

CEBU, Philippines - Mi-backout si Melissa Ricks sa paghimo sa horror movie nga “White House” sa Regal Films. Dili na mahinayon ang ilang panag-uban ni Lovi Poe, nga ex-girlfriend sa iyang boyfriend karon nga si Jolo Revilla.

3D

Hugyaw ang episode sa Party Pilipinas karong June 20 gumikan kay 3D ang format niini.

Tom inilog

Sunod-sunod ang project ni Tom Rodriguez. Human sa movie nga “Here Comes The Bride,” siya na pud maoy pares ni Kaye Abad sa umaabot niini nga MMK episode.

Jake Cuenca uy!

Dili si Jake Vargas ang pares ni Alessandra de Rossi sa “Green Rose” teleseye nga bituonan nila ni Anne Curtis ug Jericho Rosales sa ABS-CBN. Si Jake Cuenca diay.

Proud to be Pinoy

Finalist ang 13 anyos nga Pinoy nga si Russell Jason Salazar sa singing competition nga nakabase sa Hong Kong, ang Star Factor 2010 .                   

Erich giintriga na pud

Gikataw-an lang ni Erich Gonzales ang tsismis nga matud pa nga kusog kaayo siya magyawyaw kung dili matarong ang iyang make-up.

Pangandam na Piolo

Midako karon ang bukton ni Piolo Pascual ug tipik lang kini sa iyang preparasyon alang sa umaabot niya nga serye sa ABS-CBN nga nag-ulohan og Noah.

Jackie nurse na

Usa na ka registered nurse ang kanhi sakop sa Sexbomb nga si Jackie Estevez. Si Jackie nahuman sa iyang pagtungha didto sa Amerika.

Kris mobalik sa Cebu

Gikatakdang motikang sa Sugbo si Kris Aquino sunod nga mga adlaw alang sa usa ka charity work.

Empress maayo na moarte

Nagmaya si Empress Shuck gumikan kay panagsa ra siya mabadlongan sa director sa serye niya nga Rosalka nga si Jeffrey Jeturian busa nakasulti siya sa iyang kaugalingon nga nabaid na og maayo ang iyang estilo sa pag-arte.

Maricel target sa GMA

Gitanyagan si Maricel Soriano sa GMA-7 nga mo-guest og usa ka semana sa Pilyang Kerubin apan wala pa’y kumpirmasyon ang aktres niini.(Sanden J. Anadia)

Bravo Jovit!

Pakpak: Sama sa gipaabot, ang Batangueno nga matud pa sa balita ni TV Patrol Central Visayas star patroller Kara Noveda taga Dalaguete, Cebu ang amahan, nga si Jovit Baldovino gayud ang midaog isip labing unang Pilipinas Got Talent grand winner. Naglisud man pagtuo sa iyang maayong kapalaran, nindot palandungon nga sa iyang mensahe human siya nagmadaugon, ang Ginoo gyud maoy iyang unang gipasalamatan. For that, bravo Jovit, bravo!

Cathy Ayaay nagpatuyang!

Palpak: Nabuking ang co-host sa Maayong Buntag Kapamilya nga si Cathy Gabronino-Ayaay nga murag wa gyud diay tingali ni tan-aw-tan-aw og Pilipinas Got Talent nga top rating show sa network nga iyang gialagaran. Kini tungod kay sa iyang pag-intro sa balita ni Kara Noveda kagahapon kabahin sa kadaugan ni Jovit Baldovino wa gyud siya kakorihe sa script ug gibasa lang gyud pud niya ang sayop nga titulo sa maong reality show nga imbes Pilipinas Got Talent, nahimo nang “Pinoys Got Talent.” Pag-sure diha Cathy!

Go Fretzie and Devon!

Pakpak: Sama ni Kim Chiu kaniadto, wala gyud makasuway og nomination for eviction ang “Charming Angel ng Cebu” nga si Fretzie Bercede. Buot pasabot nauyonan gyud siya sa iyang mga housemates. Karon misamot kadako ang tsansa nga Sugbuanon na pud ang modaog sa Pinoy Big Brother reality show sa ABS-CBN sama nila ni Keanna Reeves ug Kim kaniadto. Kini tungod kay duha ka mga Sugbuanon ang makigtigi alang sa titulo karong June 26. Sila mao si Fretzie ug Devon Seron!

Dili “Buena Mano” ang detalye sa balita?

Palpak: Hilaw ang presentasyon sa Buena Mano Balita kabahin sa nahitabong aksidente sa Balamban niadtong Domingo nga mikalas og daghang Iranians nga padulong unta sa usa ka resort nga nahimutang sa maong lungsod. Kini kay wala gyud nila mahatag pila gyud kabuok ang namatay. Posibleng gituyo nga wala nalang ihatag ang tukma nga gidaghanon sa mga namatay sanglit managlahi man ang nanggawas nga numero, pero palpak gihapon tungod kay ang follow-up ni Vic Serna sa maong hitabo, mibungat nga 20 ka buok ang namatay. Gihimo ra hinuon niyang background sa iyang balita nga dili na paagion ang mga dagkong sakyanan sa transcentral highway.

Abtik ka Carmi Cavanlit!

Pakpak: Managlahi tinuod ang migawas nga detalye sa gidaghanon sa mga namatay sa maong bus accident sa Balamban niadtong Domingo. Dunay miingon nga 20, may mibalita nga 22, ug may mitaho nga 21. Pero kung ikaw televiewer og nakakita ka sa duha ka local early morning shows—Maayong Buntag Kapamilya ug Buena Mano Balita—makaingon ka nga mas katuohan ug mas gihaguan gyud ni TV Patrol Central Visayas reporter Carmi Cavanlit ang iyang gibalita tungod kay nakakuha gyud siya sa mga ngalan sa mga Iranian nga namatay ug gi-flash sa screen. Wala niadtong maong detalye ang Buena Mano nga uwahing magsugod matag buntag (7am), itandi sa Maayong Buntag Kapamilya nga unang mulugwa at 6:30 am.

Congratulations dyAB ug Love Radio!

Pakpak: Malampuson ang dyAB Fun Run 2010 isip usa sa mga kalihukan nga gipahigayon pagsaulog sa 15 ka tuig na nga pagsibya sa maong estasyon. Malipayon nga gipahibawo ni kapamilya Leo Lastimosa nga mikabat og 2, 000 ang misalmot bisan on “short notice.” Niya pa, maayo na kaayo kung makakuha ka og 1,000 ka mga partisipante. Pwes, kung kami pasultion Hugyaw gyud to nga kalampusan kapamilya!

Malampuson pud ang Season 3 sa 93.7 Love Radio Singing Idol niadtong Domingo sa hapon diha sa Elizabeth Mall. Tataw nga nakauyon gyud ang misaksi sa maong singing contest base sa kakusog sa ilang pakpak dihang gipahibawo na ang resulta.