Nagpa-BHRT: LT puwede na uling mabuntis

TRUE : Walong buwan na palang sumasailalim sa BHRT si Lorna Tolen­tino - na ang ibig sabi­hin ay Bio-Identical Hormonal Replacement Therapy.

Kaya naaliw si LT nang napanood ang Sex and the City 2 dahil nagpapa-BHRT si Saman­tha, ang character na ginampanan ni Kim Cat­rall, kaya naka-relate daw siya.

Ang BHRT ay isang proseso na ginagawa sa isang babaeng malapit nang mag-meno­pause. Base sa pagkakaintindi ko sa paliwanag ni LT, tinitingnan daw doon ang lahat ng mga hor­mones. Kung nakitang kulang na ang ilan sa mga hormone mo, iri-replace daw ‘yun para buo pa rin at hindi ka magkakaroon ng hormo­nal imbalance.

Kinlaro namin kay LT kung sakaling kulang na ang sexual hormones at iri-replace ng pro­sesong ito, puwede bang mabuntis? “Puwe­de!” sagot agad ni LT pero wala naman daw siyang balak na magpabuntis dahil happy na siya ngayon sa kalagayan niya. “I’m happy being single,” sey ni LT.

TANONG : Totoo kayang nag-react ang main office ng Louis Vuitton sa bagong print ad at billboard ng Flawless na ini-endorse ni Lorna?

Marami ang nakapansin sa bagong promo ng Flawless kung saan mamimigay sila ng bong­gang Louis Vuitton bag sa mga lucky customers.

Hanggang December daw ang promong ito kaya gumawa sila ng bonggang ad at billboard na mi­nodel ni LT. Marami ang nagu­lat sa ganda ng pic­torial dahil mukhang bagets si LT at talbog ang ibang models na puwe­deng mag-endorse ng mamahaling designer bag na ito.

Kaagad nagpadala ng notice ang main office ng LV sa Pilipinas na kailangan daw tanggalin ang Louis Vuitton sa kanilang print ad at sa billboard dahil naga­gamit sila sa promo ng Flawless.

Paliwanag naman ng may-ari ng Flawless na si Ms. Rubby Sy, aware naman daw ang mga taga-Louis Vitton dito na gagamitin nila ito sa kanilang promo. Pero nanggaling daw ang utos sa main office ng LV sa Paris, kaya wala silang magagawa kundi sundin ito.

Kaya ang susunod na nilang print ad at billboard, ibang designer bag na ang gagamitin, hindi na ang Louis Vuitton.

Pero naaliw ang mga taga-Flawless dahil napansin daw ito agad ng mga taga-Paris pati ang ganda ni LT bilang modelo nito.

TOTOO KAYANG tumanggi ang direktor ng isang musical-variety show na pakantahin ng live ang dalawang magandang aktres pagkata­pos niyang marinig ang mga boses nito?

Kasi naman, dapat live silang kakanta dahil kayang mag-live ng tatlong magaganda pang aktres na kasabay nila sa production number sana. Kaya nag-insist ang dalawang aktres na dapat ay mag-live din sila.

Sa rehearsal nito ay sinubukan ni direk na pa­kan­tahin ang dalawa kung kaya ba nilang sumabay kumanta ng live sa tatlo pa nilang ka­sa­ma. Pero nairita lang si direk sa boses nila kaya ang ginawa, pinag-emote-emote na lang ang dalawang aktres na walang boses habang kumakanta ang tatlo pang magandang girls na kasabay nila sa production number sa isang musical variety show.

Napanood n’yo ba ito last Sunday?

TSIKA LANG : In-assure sa amin ni Sen. Bong Revilla na may pelikula siyang kasali sa 2010 Metro Manila Film Festival.

Definitely hindi raw ang part two ng Ang Pan­day kundi ibang project ito. Ito na kaya ang pagsasamahan nila ni Vic Sotto?

 “Basta abangan n’yo na lang. Malapit ko nang i-announce,” pahayag ni Sen. Bong.