Kapuso aktor nakipagkita sa high profile talent manager ng ABS-CBN

Nakita sa isang Chinese restaurant sa may To­mas Morato ang isang sikat at high profile talent manager na identified sa ABS-CBN at matinee idol na talent ng GMA 7. Hindi alam kung nagkita lang dun ang dalawa o may usapan silang mag­kita, basta ma­rami ang naintriga nang makita silang magka­sa­ma’t galing sila sa magkalabang network.

Hindi naligalig ang mga taga-Channel 7 nang maba­litaan ang tungkol dito at ‘di nila inisip na baka lumipat sa ABS-CBN ang actor in the near fu­ture dahil may kontrata pa ito sa Channel 7. Ang alam nila, magkaibigan ang actor at ang talent ma­­­n­ager na magaling mag­palakad sa career ng mga talent at tiyak na mas bobongga ang ca­reer ng actor kapag siya ang naging ma­nager.

Pero ano nga kaya ang pinag-usapan ng actor at ng talent ma­nager? Mukha namang hindi sila nagtatago dahil sa isang mataong lugar sila nagkita.

* * *

Isa sa nagustuhan na­ming production num­ber sa Party Pili­pinas kahapon ay ang Mga Kaba­bayan Ko number nina Elmo Ma­galona at ang amang si Francis Ma­galona. Gamit ang music video ni Francis M nang nasabing rap song, sina­­bayan ang ama at pati dance steps sa music video ay ginaya ni Elmo.

Mixed emotions ang naram­daman namin while watching the number at lalong naging touching ang number nang ipakita ang teary-eyed na si Pia Ma­galona kasama ang mga anak na sina Clara at Arkin.

Maalagaan lang at ma-push ng husto si Elmo, malayo ang itatakbo ng ca­reer nito at pinasok na rin ang acting via Pilyang Kerubin. Ang dami ring may crush sa bagets at kabilang dito ang older sa kanyang sina Rhian Ramos at Bubbles Paraiso.

* * *

Si Raymond Gutierrez ang pinakahuling nag-guest sa Diva at hindi ito nahirapang umarte dahil bilang host din ng Showbiz Central ang ginam­pa­nang role. Ilang days din mapapanood ang guesting ni Raymond at sa eksena mamaya, hahamunin ni Tiffany (Glaiza de Castro) ng away si Melody (Regine Velasquez) habang umeere ang show.

Bilib pala kami sa fans ni Regine na viewers ng Diva nakalista ang mga nag-guest na sa kantaserye at sa bilang nila, umabot na sa 45 ang nag-guests na singers, artista, banda, at iba pang taga-showbiz. Extended for three weeks ang show at marami pang papasok na guests.