Fans nina Angel at Marian, matindi na naman ang away

Hindi ako naniniwala na tatanggapin na lamang ng nakaupo ni AiAi delas Alas ang pag­bibi­gay ng titulo niya bilang comedy queen kay Eugene Domingo. Lalo’t itinuturing silang mag­karibal ngayon dahil sa magkalaban ang net­work na pinagtatrabahuhan nila.

Hindi naman ito basta-basta mawawala kay AiAi dahil lamang nagkakasunud-sunod ang su­werte ng mga pelikula ni Eugene lately sa box-office. Mas nakakarami pa rin ang mga box-of­fice hits ni AiAi huwag nang idagdag pa ang mga SRO concerts niya na kailangan pa sigu­rong mapantayan din ni Eugene bago sila maging magka-level. Suffice to say na nasa tamang landas na siya patungo sa kanyang mini­mithing lugar.

* * *

Umaatikabo ang labanan nina Angel Locsin at Marian Rivera bilang pinakaseksing artistang babae. Palit-palitan sila sa unang posisyon sa mga buwang tumatakbo ang pakontes na isina­sagawa ng isang magasin. Patuloy pa rin ang kantiyawan ng kani- kanilang kampo, parehong kam­po ay umaasang ang mamayani sa pinaka­dulo ay ang kanilang idolo.

Paano kaya kung bigla ay umarangkada na naman si Cristine Reyes na nasa pangatlong puwesto? Hindi natin maitatatwa na napaka-sexy ni Cristine sa isang latest commercial na gina­wa niya para sa isang inuming panlalaki. Na­­pa­ka-sexy niya, lalo na habang naglalagay siya ng strap ng sapatos niya.

Baka away nang away ang kampo nina Marian at Angel, tapos tatalunin din pala sila ni Cristine.