Niña ug Megan magtigi

CEBU, Philippines - Lakip si Megan Young ug Niña Jose sa umaabot nga sitcom nila ni Aga Muhlach ug Ai Ai delas Alas nga nag-ulohan og M3 (Malay Mo MaDevelop). Si Jeffrey Jeturian maoy ilang director, ug niya pa impress siya sa iyang mga kaubanang artista nga maglakip pud ni Ariel Ureta.

Markki sigurado na

Mapildi man o modaog sigurado na si Markki Stroem asa siya padung human sa grand finals sa Pilipinas Got Talent. Kini tungod kay mikuha na gyud siya og talent manager—si Erik Raymundo nga manager pud nila ni Sam Milby ug Richard Poon.

Pacman miboluntaryo sa Wowowee?

Migawas ang balita nga mibalibad si Manny Pacquiao aron mahimong special host sa Wowowee tungod kay matud pa dili musugot ang GMA-7. Pero ang tsika nga nasagap sa Pang-Masa, si Pacman mismo maoy mipresentar nga mo-host sa Wowowee ug dili kay gitanyagan siya.

Lokomoko High gibiyaan ni Pauleen

Mihawa na si Pauleen Luna sa Lokomoko High sa TV5 gumikan kay gipalabi niya ang seryeng Trudis Liit sa GMA-7.

Dingdong suportado ni Marian

Andam mosuporta si Marian Rivera sa iyang boyfriend nga si Dingdong kung makadesisyon kini nga mohupot og posisyon sa gobyerno.

Pagklaro Erich!

Aminado si Erich Gonzales nga miniwang ang iyang lawas gumikan sa pagsige niya og diet apan plano na usab niya karon nga magpatambok og balik.

Unsa pa man diay?

Gikapoy na si Shaina Magdayao gumikan kay sa higayon nga motambong siya og presscon, mabungog siya sa mga pangutana kabahin sa tinuod nga estado nila ni John Lloyd Cruz.

Barbie-Joshua movie giplantsa na

Gisugdan na sa GMA Films ang pagplano sa umaabot nga pelikula nila ni Joshua Dionisio ug Barbie Forteza nga may working title “Suddenly It’s Magic.” 

Mo nagpaabot sa TRO

Magpadayon gihapon si Mo Twister sa pag-host sa Paparazzi ug Juicy sa TV 5 gumikan kay hangtud karon wala pa siya kadawat og temporary restraining order gikan sa korte kabahin sa kaso nga gipasaka sa GMA-7 batok kaniya

Angelika molingkod pagka-konsehal

Andam molingkod si Angelika de la Cruz pagka-konsehal sa Malabon isip hulip   sa mipanaw niya nga igsuon nga si Edward.

Ogie milarga sa australia

Mitikang paingon sa Australia si Ogie Alcasid sa milabay nga gabii aron bisitahon ang mga anak nila ni Michelle Van Eimeren.