Matapos hiwalayan ni Aljur, Kris Bernal magpapa-sexy na lang
TRUE : Nanganak na ang dating Viva Hotbabe na si Andrea del Rosario nung May 28 sa Amerika.
Isang baby girl ang iniluwal nito na pinangalanan niyang Beatrice Anne pero kinabukasan ay inoperahan ito dahil sa may diperensya umano ang small intestine nito.
Hanggang ngayon ay nasa ICU pa rin ang baby niya at baka magtatagal pa ito. Kaya ayaw muna niyang magsalita tungkol dito dahil ang concern lang niya ngayon ay ang kalagayan ng kanyang anak.
TANONG : Hanggang ngayon ay hindi pa rin tiyak ni Sunshine Dizon kung buntis nga ba siya.
Nung huling nakausap namin ang Mommy Dorothy ni Sunshine, nasa hospital pa raw ang aktres dahil sa lumala ang sakit nito sa likod pagkatapos niyang madulas nung mag-guest siya sa Eat Bulaga.
Ilang linggo ring nakaramdam si Sunshine ng mga sintomas ng isang buntis, pero dinugo umano ito na sa tingin nila ay regular menstruation lang kaya medyo nalungkot din ito dahil mukhang hindi nga siya buntis. Pero nandiyan pa rin ang feeling ni Sunshine na nagdadalangtao talaga. Hindi lang niya sure.
TOTOO KAYA ang naririnig naming kaya napipikon si kilalang aktor sa pagkaka-link niya sa isang beauty queen/starlet dahil may bahid naman ng katotohanan?
Apektado na rin ang asawa nito na minsang nasa mall daw at nakita sa isang lighted billboard ang litrato nitong starlet ay nagtatalak na dahil nasira na ang araw niya.
Kaya umiiwas na si aktor na pag-usapan ito dahil ayaw na niyang pag-awayan pa nila uli ito ng dyowa niya.
TSIKA LANG : Pagkatapos ng The Last Prince nina Aljur Abrenica at Kris Bernal magkakanya-kanyang ka-loveteam na sila dahil si Aljur ay kay Rhian Ramos na ipa-partner at si Kris naman ay may Daniel Matsunaga sa susunod na episode ng Love Bug.
Pero ang susunod sanang gawin ni Kris ay magpa-sexy dahil pumayag na itong mag-pose for cover pictorial ng FHM.
Okay na sa GMA Artist Center at pinaghandaan na ito ni Kris pero kumontra ang mommy niya kaya hindi na natuloy ang naturang pictorial.
Nalaman din namin sa FHM na sa end of this month ay ia-announce na nila ang nangunguna sa FHM’s Sexiest Women. So far, naglalaban sina Angelo Locsin at Marian Rivera sa number one spot.
- Latest
