Ang huling laban ng Panday Kids
MANILA, Philippines - Ang pinaka-aabangang pagtatapos ng pakikipagsapalaran ng tatlong magigiting na Panday Kids ay matutunghayan ngayong gabi sa huling Biyernes ng telefantasya pagkatapos ng 24 Oras.
Ang Panday Kids ay hango sa obra maestra ni Komiks King Carlo J. Caparas na pinagbibidahan nina Julian Trono bilang Hadji, Sabrina Man bilang Charlie at Robert “Buboy” Villar bilang Oliver. Silang tatlo ang naatasang maging tagapangalaga ng mahiwagang espada ng Panday laban sa hari ng kasamaan na si Lizardo (Marvin Agustin).
Bukas, unti-unting lalaki si Lizardo. Magiging higante siya. Susugurin niya ang Panday Kids at si Flavio! Magpapaalam na si Aureus sa mga Panday Kids. Mabubuhay naman ang mga mahal sa buhay ng Panday kids. Babalik si Rossana kay Oliver. At si Fatima kay Hadji.
Sino ang magwawagi sa huling laban sa pagitan ng Panday Kids at ni Lizardo? Masupil na kaya ng tuluyan ang kasamaan at manaig ang kabutihan sa mundo? Anong buhay ang naghihintay sa Panday Kids pagkatapos ng kanilang misyon?
- Latest
