Maja gi-career ang character ni Melai

CEBU, Philippines - Padayong naglawig ang rating sa Precious Hearts Romances Presents Impostor nga gibidahan nila ni Sam Milby, Maja Salvador, Jason Francisco ug Melisa “Melai” Cantiveros. Tsika pa ni Maja nga grabe ang gibuhat niya nga preparasyon gumikan kay gitun-an gyud niya pag-ayo ang linihokan ni Melai ug lakip na ang expression sa dagway niini sa higayon nga makig-istorya kini sa mga tawo.

Pamilyang Guttierrez mosaksi sa NBA finals

Gibutyag ni Anabelle Rama nga molantaw sa NBA finals karong adlawa ang pipila niya ka mga sakop sa pamilya nga tua sa States nga naglangkob sa iyang bana nga si Eddie Guttierrez ug ang duha niya ka mga anak nga sila si Richard ug Elvis. Tua karon si Richard sa Amerika aron himoon ang pipila ka eksena sa pelikula nila ni Anne Curtis ug Claudine Barretto nga “In Your Eyes”.

German: Gisalig na nako sa GMA!

Matud pa ni German Moreno nga dili siya gustong motingog kung pangutan-on siya kalabot sa panagbangi sa iyang alaga nga si Jhake Vargas ug sa direktor sa First Time nga si Andoy Ranay. Tsika pa ni German nga iya na isalig ang tanan ngadto sa GMA-7.

Tambag alang kang Andrei

Nagbaha karon ang mga nagkadaiyang sentimento sa mga tawo kabahin sa pagsulod karon sa showbiz sa ex-boyfriend ni Jennylyn Mercado nga si Andrei Feliz. Matud pa nga angayan nga ipakita ang iyang talento ug dili na kinahanglan nga ugkaton pa ang mga kaagi nila ni Jennylyn kung gusto niini nga mailhan pag-ayo ngadto sa publiko.

Joshua guardian angel ni Barbie

Giangkon ni Barbie Forteza nga nagka-close na sila pag-ayo sa iyang crush nga si Joshua Dionisio kinsa mao usab ang leading man niya sa Pilyang Kerubin. “Sobrang close namin ni Joshua. Para ngang guardian angel ko siya. Sweet siya at hindi kami nagkakailangan,” suma pa ni Barbie.

Ang tattoo ni Angelica

“I’m yours forever” nga gisuwat sa pinulongang Espanyol ang buot pasabot sa tattoo ni Angelica Panganiban nga napatik dinhi sa Banat Hugyaw niadtong milabay nga Domingo.

Kinsa pa man diay?

Gikataho nga si Richard Gomez maoy magsilbing Chief of Staff sa iyang asawa nga si Lucy Torres sa higayon nga molingkod na kini sa Kongreso sa hinapos nga bahin karong buwana.

Andoy naglikay sa press

Si Direk Andoy Ranay ang direktor sa Pilyang Kerubin apan dali kini nga misibat sa presscon sa maong serye gumikan kay milikay kini sa mga pangutana kalabot sa isyu sa panagbangi nila sa teen actor nga si Jhake Vargas.

Basin tinuod!

Napungot na pag-ayo si Erich Gonzales sa wala’y hunong nga isyu nga matud pa duna siya’y attitude problem.

Gabby mo-guest sa Sharon

Gikatakdang mo-guest si Gabby Concepcion sa dili madugay sa talk show ni Sharon Cuneta sa ABS-CBN aron i-promote ang pelikula nila ni KC Concepcion ug Jericho Rosales nga “I’ll Be There”.

Mariel nameligro?

Nabalaka karon ang fans ni Mariel Rodriguez gumikan kay basin makaapekto sa career sa ilang idolo ang pagkalambigit sa pangalan niini ngadto kang Robin Padilla.

Bea: Walay away

Gibutyag ni Bea Alonzo nga wala sila mag-away ni Shaina Magdayao. Giingong nagsugod ang maong isyu sukad dili na kaayo suod ang duha tungod sa ilang ka-busy ug pagkalambigit ni Shaina kang John Lloyd Cruz.

Kinsa man gyud ang nagtug-an sa tinuod

Napungot pag-ayo si Cristy Fermin sa pag-deny ni Angel Locsin nga duna sila’y relasyon kaniadto ni Cogie Domingo sa dihang nagkauban pa sila sa programang Click sa GMA-7.

Tsika pa ni Manay Cristy sa presscon sa Paparazzi, nga iyang nahinumduman nga mitikang si Angel kaniadto sa London ug midiretso na ngadto sa Los Angeles ,California, giingong si Cogie maoy kuyog sa aktres. Gani nahimong driver si Cogie ni Angel sa ilang pagpanuroy sa maong dapit.

Nagkuyog pa ang duha sa pagbalik dinhi sa Pilipinas, apan sa dihang nakit-an sila sa mga sakop sa press sa Ninoy Aquino International Airport, gipalabas sa duha nga wala sila nagkuyog ug nagkatayming lang nga nagkadungan ang ilang biyahe.

Matud pa nga human sa maong insidente , nahuman dayon ang affair sa duha ug dali dayon nga gihimakak ni Angel ang relasyon nila ni Cogie.

Samtang dili na mohatag og tibuok detalye si Cristy kung nganong nakaingon siya nga mitira og paminta si Angel.