Gang of Fourteen ipinakikilala
MANILA, Philippines - Maraming may taglay na magagandang mukha sa showbiz, pero ang GMA Artist Center (GMAAC) ay nagdidiskubre ng hindi lang puro mukha kundi ’yung may talento at magandang pangangatawan.
Ipinakikilala ng GMAAC ang Gang of Fourteen.
Ang mga matinee idols na sina Aljur Abrenica, Mike Tan at Paolo Paraiso ay nauna nang nagkapangalan dahil sa mga nagawang proyekto sa home network na GMA 7.
Hindi naman pahuhuli sa kanilang yapak sina Suzuki Sadatzugu, Jace Flores, Dion Ignacio, Dex Quindoza, Kevin Santos, Geoff Taylor, Prince Stefan, Paulo Avelino, Rey Talosig at Kiko Rustia.
Ang 20-year-old na si Suzuki ay kasama sa Survivor Philippines Season 2 at nakasama sa Kapuso TV series na Ina Kasusuklaman Ba Kita?
Sina Geoff at Prince, na kahit mga hunks ay may malambot na puso, natoka sa mga drama series. Si Geoff ay napasama sa isang episode ng Daisy Siete at si Prince ay sa Lino Brocka-obra remake na Gumapang Ka sa Lusak.
Si Dion naman ang pinakamaraming nagawang mainstream films: Desperadas 2, Moments of Love, Hari ng Sablay, at iba pa.
Kung halos lahat ng Kapuso hunks ay umaarte sa telebisyon at pelikula, iba naman si Kiko dahil bagay na bagay siyang co-host sa Born to Be Wild. Nakuha rin siyang modelo kamakailan ng Benetton.
- Latest
