Ariel bag-ong bituon sa TV 5

CEBU, Philippines - Human sa Ina Kasusuklaman Ba Kita? sa GMA-7, mitikang na sa tugkaran sa TV 5 si Ariel Rivera ug matud pa gi-shoot na kagahapon ang teaser sa aktor alang sa pagbalhin niya sa maong istasyon.

Gikatakdang malakip si Ariel sa bag-ong sitcom ni Eugene Domingo nga nag-ulohan og Inday Wanday. Lakip usab sa maong programa si Cogie Domingo. Giingong ang dalhon ni Ariel ang papel nga unang gitanyag kaniadto kang Richard Gomez.  

Giingong dali ra kaayo ang pagbalhin ni Ariel sa Kapatid Network gumikan kay wala siya’y gipirmahan sa kanhi niya mother network.