Dahil tapos na ang eleksiyon, aktor lilipat na ng network
Tapos na ang elections, may mga naproklama ng winners at may mga nauna nang nag-concede, gaya ni Sen. Manny Villar. Aabangan namin kung tototohanin ng isang aktor ang balak na paglipat sa ibang network. Kaya raw iiwan ng aktor ang network na matagal ding pinagtrabahuhan at iniwan lang sandali nang tumakbo siya sa nagdaang elections ay dahil nalaman niyang walang project na naka-line-up sa kanya at kung mabibigyan siya ng show, baka matagal pa.
Nabalitaan din ng aktor na ’yung show na gusto niyang gawin ay baka sa ibang talent ng network ibigay at hindi sa kanya.
Tingnan natin kung papayagan ng network na mawala sa kanila ang aktor at siguradong magka-counter offer sila.
* * *
Bumisita kami kahapon sa pansamantalang last taping ni Regine Velasquez sa Diva dahil aalis sila nina Ogie Alcasid, Marian Rivera, at Dingdong Dantes para sa US/Canada tour nila. More than a month mawawala si Regine, kaya nagpabisita sa taping nito.
Malalaman namin kung totoong papasok sa Diva si Nadine Samonte at kung totoo, ano ang kanyang magiging role? Aalamin din namin kung magkikita sila ni Glaiza de Castro sa taping o kung magkaka-eksena ang kanilang mga karakter.
May unresolved conflict ang dalawa at hindi na bumalik ang kanilang friendship. Bago pa ang Ampalaya Anonymous ni Glaiza na kalaban si Pauleen Luna, una nang nakasamaan ng loob nina Isabel Oli at Jennica Garcia si Nadine.
Kung matuloy pumasok si Nadine sa Diva, maging daan kaya ito para tuluyan na silang magkabati ni Glaiza? Ay, ang gandang bumisita sa taping ’pag may eksena ang dalawa.
* * *
Ibinalita ni Anne Curtis sa Twitter na aprubado ang working visa nina Claudine Barretto at Richard Gutierrez, kaya tuloy ang shooting nila sa States ng movie nilang In Your Eyes na co-production ng Viva Films at GMA Films at sa direction ni Mac Alejandre.
Dapat noong Holy Week umalis ang grupo dahil bukod sa Orange County, magsu-shooting din sila sa San Francisco, pero kailangang kumuha ng working permit ang mga producers para hindi patagu-tago ang kanilang shooting at kailangan ding kumuha ng working visa ang cast, kaya naurong ang alis nila.
More or less, 10 days sa States ang cast at crew, pagbalik na lang siguro ni Anne niya sisimulan ang taping ng Green Rose, ang first TV project nila ni Jericho Rosales at reunion nila after Baler. Pinoy adaptation ito ng Korean TV series at kasama sa cast sina Jake Cuenca at Alessandra de Rossi. Action-drama ito at mas bagay kay Jericho kesa kay Sam Milby na unang na-consider na makapareha ni Anne.
* * *
Ngayong Wednesday sa Gumapang Ka sa Lusak, naramdaman ni RJ (Rocco Nacino) na si Levi (Dennis Trillo) pa rin ang mahal ni Rachel (Jennylyn Mercado), kaya magpaparaya siya. Sasalisihan ni Edmundo (Al Tantay) si Rowena (Sandy Andolong) at kikidnapin si Joanna (Jamilla Obispo) at rereypin para makaganti kay Levi. Kakausapin sana ni Levi si Rachel para magpaliwanag, pero agad ding aalis nang malamang nawawala si Joanna.
Birthday ngayon ni Dennis at may taping sila ni Jennylyn, tiyak na may handaan. Sa May 15 naman ang birthday ni Jennylyn at kahit wala silang taping, siguradong magkikita sila ni Dennis. Pakikialaman namin ang mga gifts sa isa’t isa ng dalawa.
- Latest
