Miss bikini philippines 2010, Laing Sugbuanon ug Ozar Model nagmadaugon

CEBU, Philippines - Laing Sugbuanon na pud ang milangkat og titulo sa natad sa pagwapahay, ug pagseksihay. Kini human nagmadaugon niadtong Sabado sa gabii didto sa Aliw Theater sa kaulohan ang garbo sa Consolacion nga si Princess Angela Abella, isip Miss Bikini Philippines International 2010.

Si Abella, nga sakop sa Ozar Models ni Danny Booc, nag-edad og 21-anyos ug bag-o lang mitapos sa kursong Nursing sa Velez College.

“First time nako nga miapil og major pageant maong wa ko ga-expect nga makadaog ko. Ang tanan man gud nga candidates puros mga guwapa ug utokan,” nagkanayon si Princess sa exclusive interview sa Banat Hugyaw kagahapon.

Miabot ngadto sa 23 ka mga maanyag ug sexy gyud nga mga dalaga gikan sa nagkadaiyang branches sa Slimmers World ang nagtigi alang sa tinuig nga indigay.

Mapasigarbuhon si Princess nga nalakip siya sa maong tigi sa kaanyag ug paseksihay tungod kay niya pa mipailawom gyud siya og makuti nga screening.

Isip sakop sa Ozar Models malipayon si Princess sanglit sama kang Rizzini Alexis Gomez, nakakuha usab siya og garbo alang sa Sugbo.

“Grabe gyud ang mga taga Cebu, grabe kabagsik kung moapil og mga contest kay permi gyud modaug. Di ba bag-o pa lang midaug si Rizzini (Gomez)” sa Aliwan Festival Queen. Busa proud kay ko nga taga Cebu ko, saysay pa ni Princess. 

Gawas kang Princess, duna pay duha ka mga models ni Danny Booc ang misalmot usab sa maong bikini contest. Sila mao si Pearlyn Hortelano kinsa nasulod sa Top 10 ug Roxanne Acosta nga midawat sa Ms. Congeniality award.

Matteo ganahan mag-action star

Giangkon ni  Matteo Guidicelli nga  ganahan siya mag-action star aron masukod ang iyang abilidad isip artista.

Tungod sa teleserye

Dili madayon si Nikki Gil sa pagbalhin sa Party Pilipinas sa GMA-7 gumikan kay  daghan pa og mga teleserye ang iyang buhatanon sa ABS-CBN.

Black Propaganda

Masaksihan sa programang I-Witness karong gabii ang kabahin sa nagkadaiya nga klase sa black propaganda nga maoy gihimo sa pipila ka politiko ilabi na nga nagkadoul ang adlaw sa eleksyon.

Marco excited na magminyo

Gibutyag ni Marco Alcaraz nga nagtigom na siya og maayo karon kay desidido na gyud siya nga si Precious Lara Quigaman ang iyang ihatod puhon sa altar sa kaminyoon.

Sanctuary patok sa kabatan-onan

Mapahiyomon karong panahona ang bokalista sa Callalily nga si Kean Cipriano gumikan kay gihangop gihapon sa mga kabatan-onan ang karaan nila nga kanta nga nag-ulohan og Sanctuary.

Chynna nakauyon sa ASAP

Daghan ang naukay  sa pangangkon sa Kapuso star nga si Chynna Ortaleza nga ASAP XV diay ang iyang lantawon   ug usahay ra siya motan-aw  og Party Pilipinas.

Arci mapungot dayon

Miulbo karon ang taho nga nasobraan  ra ka saputon si Arci Muñoz gumikan kay masuko dayon kini kung makadungog og  intriga batok kaniya busa gitambagan ang aktres sa iyang mga higala nga  maanad na lang sa kinabuhing showbiz.