Mader Ricky nakitsika sa 3 'unang ginang'
MANILA, Philippines – Papalapit na ang halalan sa May 10, 2010 kaya napagpasiyahan ng Life and Style with Gandang Ricky Reyes na itampok sa magkakahiwalay na chikahan sina Dorie Villanueva, Marides Fernando at Nikki Prieto Teodoro.
Puso sa puso, wika nga, ang interbyung ginawa ng host-producer na si Mader Ricky kina Sister Dorie (kabiyak ni presidentiable Eddie Villanueva), Marikina Mayor Marides (kabiyak ni Bayani Fernando na tumatakbong bise presidente) at Tarlac Rep. Nikki (kabiyak ni presidentiable Gibo Teodoro).
Ilalahad ng tatlong ginang ang sikreto ng kanilang long and lasting marriage, magbibigay ng larawan at ugali ng kani-kanilang husband.
Hahanga rin kayo kung paano nila nagagampanan ang pagiging maybahay at ina sa kanilang mga anak sa kabila ng pagiging abala sa pagtulong sa kampanya ng kabiyak at pagtupad sa kani-kanilang karir.
Magdaraos naman si Regine Tolentino ng isang dance workshop sa ere na garantisadong makababawas ng timbang at magpapaliit ng katawan. Kung sabagay, isang tingin lang sa seksing Dance Diva ay maaakit ka nang sumabay sa kanyang pag-indak.
Ang LSWGRR ay prodyus ng ScriptoVision at napapanood tuwing Linggo alas-diyes ng umaga sa QTV-11.
- Latest
