JayR feel na feel ang OPM
MANILA, Philippines - Sa bagong album ni JayR, mahahalatang feel na feel ng Platinum Prince of Soul ang Original Pilipino Music (OPM) na puro love songs.
Ang mga romantikong kanta ay ipinrodyus ng hitmaker na si Ito Rapadas at 13 songs ang naipaloob sa JayR Sings OPM Love Classics album.
Binigyang buhay muli ng singer ang mga awitin nina Martin Nievera, Gary Valenciano, Regine Velasquez, Sharon Cuneta, Basil Valdez, Zsa Zsa Padilla, Ogie Alcasid, Jaya, at ang mga bandang RiverMaya, True Faith, I-Axe, at South Border.
Ang carrier single ay Himala ng RiverMaya na kasalukuyan nang pinapatugtog sa mga radio stations.
Sa album launching na ginanap kamakailan, sinabi ni JayR na nalagpasan niya ang mga challenges nang tinapos ang third album.
“With a great deal of dedication, I am now offering this CD to all Pinoy music lovers,” sabi ng R&B singer.
- Latest
