Empress ug Erich gisabong

CEBU, Philippines - Mikatawa lang ang bida sa seryeng Rosalka nga si Empress Schuck  sa taho nga matud pa siya maoy labing bag-o nga ka-kompetensiya ni Erich Gonzales sa tugkaran sa ABS-CBN. Matud pa ni Empress nga dili kini angay himoong isyu sanglit pareho sila nga Kapamilya.

Kiko morampa sa NY

Mitikang na sa New York ang kanhi Survivor Philippines castaway nga si Kiko Rustia aron morampa sa usa ka fashion show nga gidumala sa usa ka international fashion brand nga Benetton. Dakong garbo alang kang Kiko nga malakip sa maong event sanglit iyang makauban sa pagrampa sa entablado ang nagkadaiyang international models. 

Karylle kontento sa iyang pagka-single

Matud pa nga daghan ang nanguyab karon kang Karylle pero iya kining gipangbalibaran .Suma pa sa mga higala sa singer nga wa pa’y panahon si Karylle nga mosulod og balik sa usa ka relasyon tungod sa ka-busy sa career niini.

Melason pinangga gyud sa Dos

Matud pa nga kung mahuman na ang Melason in the City , tagaan na pud og   follow-up project sa Dos sila si   Melisa Cantiveros ug Jason Francisco.

Enchong’s dream house

Gibutyag ni Enchong Dee nga nagtigom na siya og maayo aron hingpit na niya nga maangkon puhon ang iyang dream house.

Heart gidemalas

Tungod sa kagubot sa Bangkok, wa madayon si Heart Evangelista sa pagtikang sa maong nasud alang unta sa   iyang shooting sa usa ka TV commercial.

Marian gisaway

Matud pa sa mga himantayon nga puro lang pa-cute ang papel ni Marian Rivera sa   Party Pilipinas gumikan kay dili kini mohataw sa iyang dance number sa maong show. 

Xian pasok sa Elias Paniki

Mapahiyumong gibutyag ni Xian Lim nga malakip siya sa umaabot nga Agimat presents Elias Paniki nga bidahan ni Jake Cuenca busa mangandam na siya sa himoon niya nga action scene.