Angelina at Brad Pitt may multo ang tinitirhan sa Italy
MANILA, Philippines - Maraming nagulat nang mapabalitang haunted house ang isang gusali sa Venice, Italy ang kasalukuyang tinitirhan ng international superstar na si Angelina Jolie.
Ayon sa Sky News, kasama ni Angelina sa haunted house ang asawang si Brad Pitt at tatlong anak.
Napaulat na ang gusaling tinitirhan ni Angelina sa Venice ay dating tinatayuan ng Palace Mocenigo noong ika-16 na siglo.
Minumulto umano ang gusali pero dito rin daw napiling kunan ang ilang mga eksena sa bagong pelikula ni Angelina na The Tourist.
Sinasabi ng mga residente sa naturang lugar na nagpapakita at nagpaparamdam sa loob ng lumang bahay-gusali ang multo ni Giordano Bruno, isang Italian Dominican friar, philosopher at astronomer na namatay noong 1600.
Kaya makakasama raw ng multo ni Bruno sina Angelina, Bratt, at ng mga anak nilang sina Shiloh, Knoxx at Vivienne sa naturang tahanan.
Hindi na umano kataka-takang pinili ni Angelina ang Palasyo dahil mahilig siya sa mga kakatwa o kakaibang mga bagay tulad sa pananamit at mga vials ng dugo.
Iniisip lang ng iba kung hindi ba natatakot sina Angelina at Bratt sa kasambahay nilang multo.- Isinalin sa Tagalog ni Mon Bernardo
- Latest
