Kontrabida stars saludo kang Angelica

CEBU, Philippines - Napuno sa mga pagdayeg ang bida sa Rubi nga si Angelica Panganiban gikan sa mga bigatin nga artista nga midala usab isip mga kontrabida sa nagkadaiya nga serye sa ABS-CBN.

Misaludo sa estilo sa pag-arte ni Angelica sila si Pilar Pilapil (Agua Bendita), Mylene Dizon (Tanging Yaman), Gladys Reyes (Habang May Buhay )ug Jaclyn Jose ( Kung Tayo’y Magkakalayo).

“Kaunting artista lamang ang nabibigyan ng roles katulad ng papel ni Angelica sa Rubi and she really got what it takes,” lenggua pa ni Pilar nga napatik sa online site nga Starmometer.

Samtang mapasalamaton si Angelica sa mga positibong reaksyon nga iyang nadawat busa nagsilbi niya kini nga inspirasyon sa iyang trabaho.

“Flattered ako ng bongga. Iba kasi kapag mga beteranong mga aktres na ang pumupuri sa isang aktres na katulad ko. First time ko lang rin kasi talaga mabigyan ng primetime project na bida na ko, kontrabida pa,” mapahiyomong gipadayag ni Angelica.

Dugang pa sa aktres nga daghan pa nga makapakugang nga eksena nila ni Jake Cuenca sa Rubi nga ikahugyaw og maayo sa mga viewers. 

PBB Teen Clash of 2010 buksan karon

Mosamot kainit ang inyong bakasyon sa pinakabag-o nga edisyon sa Pinoy Big Brother Teen Clash of 2010 nga mobukas na karong gabii.

Gikatahong dunay mga bag-ong pakulo si Kuya nga ikahugyaw sa mga viewers.

Lain-lain nga mga spekulasyon kung unsay bout pasabot sa pulong nga “clash” ug pipila niini mao ang posibilidad nga makabangga sa mga housemates sa nagkadaiya nga challenges ang pipila ka ex- teen housemate.

Di usab magpauwahi sa paghatag og kolor sa maong programa ang mga hosts nga sila si Toni Gonzaga, Mariel Rodriguez ug Bianca Gonzalez.

“Feeling ko, may factor s’yang boys vs girls. Magiging fun ‘yon sa mga manonood. May team boys, may team girls,” panglantaw pa ni Toni.

Karong gabii mailhan na ang dose ka housemates   pinaagi sa usa ka espesyal nga kick-off nga gitawag og “Let the Clash Begin”.

Masaksihan usab karong gabii ang nagkadaiya nga pasundayag nila ni Yeng Constantino ug ang mga sakop sa A-POP sa ASAP XV   nga naglangkob nila ni Jaco Benin, Young JV , Sam Concepcion ug uban pa. 

Erich: Dili bayot si Enchong!

Gidepensahan ni Erich Gonzales ang iyang leading man sa seryeng Tanging Yaman nga si Enchong Dee kinsa giintriga nga matud pa usa ka bayot.

“It’s normal para sa lalake na dahil nasa showbiz ka, hindi talaga puwede mawala ‘yong gay issue. Wala naman talaga. Kung makakasama n’yo naman siya, makikilala n’yo naman, wala talaga,” nagkanayon si Erich .

Tsika pa ni Erich nga mas pilion pa nila Enchong nga mo-concentrate sa ilang career busa kever lang sila sa mga intriga.

Ang duha nagpares karon sa indie film nga Paano Ko Sasabihin? ug giangkon ni Erich nga usa kini sa pamaagi nga mabaid pag-ayo ang iyang pag-arte.

Hangtud karon wa gilimod ni Erich nga dunay mga tawo nga nagduda sa tinouray nila nga status ni Enchong tungod sa gipakita nila nga sweetness sa set sa seryeng Tanging Yaman.

Tsika pa sa aktres nga dili kini angay nga tagaan og malisya gumikan kay suod lang sila nga higala ni Enchong ug dili usab siya andam nga mosulod og usa ka relasyon.

“Basta right now, masaya kami sa work. ‘Yon lang talaga ang focus namin. With everything na dumarating sa buhay namin, gusto lang namin na magawa ito ng tama kasi ito naman talaga ang gusto namin. ‘Yong mga ganyan ,saka na lang,” tsika pa sa young actress.