Erich pasok sa magkaribal

CEBU, Philippines - Malakip si Erich Gonzales sa umaabot nga teleserye nila ni Gretchen Barretto ug Derek Ramsay nga Magkaribal, diin apil pud niini si Bea Alonzo.

Nina dili type sa TV5?

Gihimakak sa TV5 nga may offer sila ngadto sa Soul Siren nga si Nina aron mamahimong kabahin sa PO5 or Party on Five, ang ilang Sunday variety show nga itigi sa Party Pilipinas ug ASAP XV.

Empress-Felix sa Rosalva

Sila si Empress Schuck ug Felix Roco maoy magpares sa umaabot nga teleserye sa  ABS-CBN nga nag-ulohan og Rosalva.

Georgina ganahan na moarte

Gipadayag ni Georgina Wilson nga ganahan na siya mosulod og mga TV series busa  andam na siya mupaubos og acting workshop.

Kaugalingong estilo

Aminado sila si  Kean Cipriano ug  Alex Gonzaga nga magustuhan   sa publiko ang ilang tandem sa programang  BFGF sa TV 5 kay duna sila’y estilo nga lahi sa uban.

WOWOWEE studio palapdan

Giingong palapdan ang studio sa Wowowee sa ABS-CBN  aron komportable ang mga audience sa maong show ug matud pa ugma na mabantayan ang kausaban niini.

Tribute alang kang Ryan

Karong Domingo mahitabo ang 32nd birthday celebration ni Ryan Agoncillo  sa  Talentadong Pinoy sa TV 5.

Touch screen gyud

Bongga ang news program sa TV 5 nga Aksyon Balita nila ni Paolo Bediones ug  Cheryl Cosim gumikan kay migamit gyud sila og touch screen.

Aljur negosyo ang tirada

Maayo ang dagan karon sa music bar nga gipanag-iya ni Aljur Abrenica sa Batangas ug nagplano na pud ang aktor nga magpatukod og resort aron mapalapdan og maayo ang iyang negosyo.