Hot Mama buntis!
MANILA, Philippines - Ngayong Huwebes, watch ninyo ang kapana-panabik na pagtatapos nang nakakakilig na love story ng ating bidang si Eugene Domingo bilang si Hot Mama sa finale episode ng SRO Cinemaserye.
Hindi ikinatuwa ni Randy (Wendell Ramos) ang pagkikita nila ng ex na si Jury (Joseph Smisek). Hindi naniniwala si Jury na tama ang pagpapakasal ni Randy kay Lola (Eugene). Confident siya na babalik pa rin si Randy sa kanya.
Of course, secret ito ni Randy from Lola. He can’t break Lola’s heart and trust. Besides, mahal naman talaga niya si Lola. Malinis ang konsensiya niya nang pakasalan si Lola. He was hoping na hindi na mauungkat ang tungkol sa past pero nagpakita nga uli si Jury.
Si Jury ang mauunang kumilos. Hihingi siya ng payo kay Hot Mama. Hindi alam ni Lola na si Jury ang ex ni Randy at sasabihin pa niya na walang masama kung bading ang isang tao.
Ngunit madidiskubre ni Lola ang sikreto ni Randy. Hindi siya makapaniwala sa kanyang nalaman. Feeling betrayed at nasira ang trust niya kay Randy. Nagalit ito at kahit ano pang paliwanag ni Randy, hindi niya ito tinatanggap o pinakikinggan.
Ilang araw siyang hindi nagtrabaho kaya minabuti ng kanyang mga kaibigan na dalhin si Lola sa hospital. Noon naman bumalik si Randy. Nag-worry ito dahil ilang gabi na niyang hindi naririnig sa program si Lola. Dali-dali nitong pinuntahan si Lola sa hospital. Worried na may matindi itong sakit. Sa hospital na malalaman ni Randy ang lahat... walang sakit si Lola. Buntis ito!
Manumbalik pa kaya ang dating pagmamahalan nina Lola at Randy? Magkaroon kaya ng happy ending ang lovelife ni Hot Mama?
Tunghayan ang part four episode ng SRO Cinemaserye presents Hot Mama, pagkatapos ng Queen Seon Deok sa GMA Telebabad.
- Latest
