Mo Twister may problema pa sa paglipat sa TV5
Seen : Namula ang mukha ni Gilbert Remulla nang kumustahin ng isang reporter ang “sex life” nila ng kanyang asawa dahil busy na siya sa campaign. Hindi sanay si Gilbert nang tinatanong tungkol sa mga personal na bagay ngunit game na game sa pagsagot ang asawa niya. “Meron pa naman” at “bata pa naman” siya ang sagot ng misis ni Gilbert na tumatakbong senador at number 12 sa latest survey ng SWS Pulse Asia Survey.
Scene : Valerie Adams ang ginagamit na pangalan ng Twitter poser ni Georgina Wilson. Naiirita na si Georgina sa panggagamit sa kanya ni Valerie.
Seen : Nabawasan na ang pamamaga ng mukha ni Claudine Barretto.
Scene : Ang P100 million damages na hinihingi ni Katrina Halili mula kay Hayden Kho, Jr.dahil sa kanilang sex video. Pangkabuhayan showcase ang P100 million.
Seen : Future actor ang anak nina Claudine Barretto at Raymart Santiago. Sanay sa maraming tao at komportable sa harap ng kamera si Santino.
Scene : Natabunan na ng mga bagong isyu sa pulitika ang pagtalilis ni Senator Panfilo Lacson sa bansa. No comment ang kanyang daughter in-law na si Jodi Sta. Maria.
Seen : Maruming tingnan ang mga braso ni Kean Cipriano dahil sa kanyang mga tattoo. Artista na rin si Kean. Siya ang kapareha ni Alex Gonzaga sa BFGF ng TV5.
Scene : Hindi pa nalulutas ang problema sa kontrata ni Mo Twister sa GMA 7. Walang katiyakan ang appearance niya sa Paparrazi, ang Sunday talk show ng TV5 na magsisimula sa Linggo.
- Latest
