Jay Durias Musical Director

CEBU, Philippines - Si Jay Durias, sa South Border maoy musical director sa P.O.5, ang musical variety show sa TV5 nga magsugod na karong April 11.

Tungod sa Showtime

Gipadayag ni Vice Ganda nga sukad nahimo siya nga hurado sa Showtime nagsunod-sunod usab ang iyang mga endorsements busa dako siya og utang kabubut-on sa maong programa.

Johan wala mawad-i og paglaum

Bisan gibasted na kaniadto, nangulitawo pagbalik ang kanhi PBB Double Up housemate nga si Johan Santos ngadto kang Cathy Remperas.

Karylle mobalik sa Siyete?

Gipadayag ni Karylle nga kontento na siya sa ASAP XV busa dili tinuod ang mitumaw nga report nga matud pa mobalik siya sa tugkaran sa GMA-7 pinaagi sa programang Party Pilipinas.

Gloria nagkalagsik

Matud pa sa 73 anyos nga si Gloria Romero nga padayon siya nga nangita og proyekto gumikan kay kaya pa sa iyang lawas.

KC pasok sa The Buzz

Kumpirmado nga si KC Concepcion ang bag-ong segment host sa showbiz talk show nga The Buzz sa ABS-CBN sugod karong Domingo.

Nasayran sa Pang-Masa nga mipirma na og kontrata si KC sa maong programa ug gikatakda nga tagaan siya og grand welcome karong Domingo, dungan usab sa iyang birthday celebration.

Karong adlawa nagsaulog sa iyang birthday si KC apan tagaan gihapon siya og hugyaw nga selebrasyon sa The Buzz.

Ang karaan nga hosts sa maong show nga sila si Boy Abunda ug Kris Aquino naghinam-hinam napud nga makauban ang anak ni Megastar Sharon Cuneta.

Matud pa nga dunay kaugalingong portion si KC sa The Buzz ug usa kini sa hinungdan nga nakumbinsi ang dalaga nga dawaton ang offer sa maong talk show.

Gawas niini, masaksihan usab ang bag-ong hitsura sa set sa The Buzz nga matud pa mas gipalapdan nga gipahaom sa mas isog na matud pa nga programa sugod karong Domingo.

Hinuon magpabilin gihapon ang POV (Points, Opinions and Violent Reactions) nila ni Kris ug Boy, pero walay apil si KC.

Magpabilin gihapon sa maong show sila si Jobert Sucaldito ug Phoemela Barranda.

Samtang nagmaya og maayo ang inahan ni KC nga si Sharon Cuneta nga maoy unang nakahibalo sa offer alang sa iyang anak. Lakip usab sa nalipay sa nakab-ot nga kalampusan ni KC mao ang iyang amahan nga si Gabby.