Regine kontra sa 'pamumulitika' ni Ogie

Nabanggit ni Regine Velas­quez sa mga press na sumaksi sa pag­sisimula ng Party Pilipinas nung Linggo sa GMA 7 na talagang hindi siya nag-eendorso ng mga political candidates pero katulad ng pag­ba­bago ng panahon, feel niya nga­yon na kailangan na niyang maki­lahok, ma-involve. Hindi niya pala­ging madi-distansya ang sa­rili sa mga pulitiko. Meron siyang tinutu­lungang pu­litiko ngayon at marami na ang nakakaalam kung sino siya. Kasama siya sa TV infomercial nito.

Samantala, sinabi ni Regine na may mga kumukumbinsi na kay Ogie (Alcasid) na pu­masok sa pulitika at napag-uusapan na rin nila ito.

 “Kung ako ayaw ko, pero hindi ko naman siya puwedeng pigilan dahil siya yun, desisyon niya yun. At alam ko rin naman na gagawa siya ng mabuti pero pu­wede rin naman siya tumulong kahit wala siya sa pulitika. Ang magagawa ko na lang siguro ay suportahan siya, if ever,” sabi niya.

Katulad ng bakasyon nila ni Ogie ngayong Mahal na Araw, hindi rin siya magtatrabaho sa birthday niya. Magpapa­hinga siya.

 “Nakakapagod yatang magtrabaho sa Diva, umaarte ka na kumakanta ka pa. Tapos involved pa ako sa pag-iisip ng mga kantang babagay sa mga eksena. Kung sa soap, nababakante ang singing voice ko, dito sa Diva kuma­kanta ako. At live ang singing sa Diva.

 “Wala na akong mahihiling pa sa birth­day ko. Lahat ibinigay na sa akin. Si­guro pa­sasalamat na lamang ang gagawin ko,” dagdag pa niya.

* * *

Inamin naman ni Roc­co Nacino na nahi­­hira­pan siya sa Guma­pang Ka Sa Lusak. Tala­gang nage-effort siya na mapa­buti ang kanyang acting dahil maganda ang ibinigay sa kanyang role. Anak siya ni Michael Sandico na magka­kagusto kay Jennylyn Mercado.

“Na-stress ako, kinabahan dahil first time ko at alam kong malaki ang expectation sa akin ng lahat. Sana hindi ko sila mabigo,” sabi ng finalist sa Starstruck 5 na regular nang mapapanood sa Party Pilipinas.

* * *

Kahit pala Holy Week, may trabaho sina Ding­dong Dantes at Marian Rivera. Holy Monday pa lamang ay tumulak na sila patungong Be­nguet para sa shoot ng You To Me Are Everything.

* * *

Tumulak na ang grupo nina Piolo Pascual, John Lloyd Cruz, Sam Milby, Bea Alonzo, at Pok­­wang papuntang US para sa nakatakdang Heartthrobs Tour. Sumunod na lamang sa kanila sina Kim Chiu, Gerald Anderson, at Richard Poon.

Unang leg ng kanilang palabas ay naganap nung Marso 26 sa Gateway Theater sa Chicago. Ki­nabukasan, nasa San Jose Event Center sila; March 28, San Diego Civic Center. Ngayong araw na ito, nasa Manhattan Center sila sa New York. Sa April 3, Heritage Forum, Anaheim at sa Will Rogers Memorial Center, Dallas, Texas sa April 4.