RMN-DZXL gigisahin ang mga presidentiables

MANILA, Philippines - Isang matapang at natatanging presidential forum ang ihahatid ng RMN-DZXL dalawang buwan bago ang eleksyon, ang Akma Ka Ba, Mr. Presi­dentiable?

Simula ngayong March 22, ito ay mapapakinggan sa radio show nina Jake Maderazo at Grace Ver­gel Mariano na Taum­ba­yan Naman, araw-araw mula 10 a.m. hang­gang 12 n.n.

Ang Akma Ka Ba, Mr. Presidentiable? na galing sa Anong Karapatan Mo at Kandidato Ka sa Bayan, Mr. Pre­si­den­tiable? ay magpa­pakita ng mga ka­to­tohanan sa likod ng mga paninira at mga is­yu na kina­sa­sangkutan ng mga kandidato at ng bayan.

“Sinisigurado namin na sa pamamagitan ng seg­­ment naming ito, mabibigyan namin ang publiko ng mas maliwanag na pagpa­pakilala para sa kanilang magiging desisyon kung sino ang dapat mamuno sa ating bansa,” sabi ni Jake.

Sa Akma Ka Ba, Mr. Presidentiable, bawat kan­didato ay makikibahagi sa dalawang round ng interview — ang una ay tungkol sa katotohanan (hot cam­paign issues), habang ang pangalawa naman ay tungkol sa “governance” (platforms).

Bawat session ay tatagal ng 90 minutes. Lahat-lahat, ang mga kandidato ay mabibigyan ng segment ng 180 minutes para kumbinsihin ang taumbayan.

“Ang oras na ito ay magpapakita ng kagalingan at katalinuhan o kawalang-alam ng isang kandidato. Pati na rin kalakasan at kahinaan nito,” dagdag pa ni Jake. “Bilang taga-media, nilalayon namin na maka­tulong sa publiko na makapili ng tamang kandidato para sa kinabukasan ng bansa.”

Bukod sa mga anchor, mayroon ding mga eksper­to na magiging parte ng panel. Magkakaroon din ang mga nakikinig ng pagkakataon para magtanong.