Dongyan sa Baguio Mag-Holy Week

CEBU, Philippines - Sa   Baguio City ang destinasyon karong Holy Week sa mag-uyab nga sila si  Dingdong Dantes ug  Marian Rivera. Matud pa nga magpadayon gihapon ang shooting nila sa pelikulang You’re Everything To Me sa  Regal Films sa nahisgutan nga okasyon.

Aljur dunay bag-ong inspirasyon?

Miulbo karon ang hungihong nga usa sa mga apo ni Henry Sy  ang ka-date ni Aljur  Abrenica. Gumikan niini, daghan ang nagpaabot sa reaksyon sa ka-loveteam ni Aljur nga si Kris Bernal kalabot  sa maong taho.

JC pasok sa Lokomoko High

Nag-taping na si JC de Vera alang gag show nga Lokomoko High sa TV 5. Nangandam na usab ang actor alang sa pagsulod niya sa bag-ong variety show nga gam-on sa TV 5. Wa magmahay ang actor sa pagbalhin niya sa maong network gumikan kay nakadawat dayon siya og mga proyekto.

Joyce gimingaw sa showbiz

Nia na karon sa nasud ang  kanhi Pantasya ng Bayan sa showbiz nga si Joyce Jimenez uban sa lima ka buwan niya nga anak alang sa usa ka bakasyon. Gawas niini, giatiman usab ni Joyce ang pipila niya ka mga negosyo dinhi sa nasud. Giangkon ni Joyce nga gimingaw na siya pag-ayo sa showbiz busa musugot siya himuon nga guest sa pipila ka TV programs.

Nag-chopper gyud

Nag-chopper paingon sa Infanta, Quezon si Ronald Singson aron lang duawon si Lovie Poe nga nag-shooting sa maong dapit alang sa indie movie nga Mayohan.

Cogie nabanhaw

Naa sa TV5 si Cogie Dominggo.

Walay movie karong tuiga

Matud ni Batangas Governor Vilma Santos, imposibli nga mahimo niya ang pelikulang Cory Aquino karong tuiga gumikan sa piniliay.

Ruffa ka-level na ni Rihanna

Si Ruffa Gutierrez  maoy  bag-ong endorser sa Nokia  dinhi sa Pilipinas. Sa Amerika,  ang  international RnB singer nga si Rihanna mao usab ang latest endorser sa nahisgutang kompaniya .

Hapit Na

Giatngan na pag-ayo ang grand launch sa TV5 nga mahitabo karong Marso 25 diin ipahibalo na ang mga bag-o nila nga programa.

DJ Mo magpabiling Kapuso

Wa pa’y kaseguroan ang pagbalhin ni Mo Twister  sa TV5 gumikan kay hangtud pa sa  May 2010 ang kontrata niini sa GMA 7.

Bayani way apil sa party Pilipinas

Naminghoy ang kanhi-host sa SOP nga  si Bayani Agbayani kay wa siya’y labot sa Party Pilipinas, pero wa niya kini gikasakit kay daghan pa nga opurtunidad nga ihatag ang Kapuso Network ngadto kaniya.