Pauleen AT JC loveteam sa TV5
Partikular na pinasalamatan ni Mommy Carol Santos ang Startalk dahil sa suporta’t pagdarasal nito kaugnay ng minimithing pagbubuntis ng kanyang anak na si Judy Ann. Ngayong araw, Lunes, eksaktong dalawang buwan at isang linggo nang nasa kagampan ang aktres.
Pero sa umpukan ng Startalk hosts na sina Joey de Leon, Lolit Solis, Ricky Lo, at Butch Francisco, withing earshot kong narinig ang words of concern nila tungkol sa planong European trip ng mag-asawang Juday at Ryan Agoncillo.
Ang consensus ng apat : cancel the trip.
Kung si Mommy Carol din ang tatanungin, she shares Ryan’s decision based on his wife’s doctor’s advice. Pero kung maselan ang magiging paglakbay nila across Europe, ipagpaliban na lang ‘yon.
* * *
Gigil na gigil ang isang aktres sa kapwa niya aktres (magkatunog ang kanilang pangalan) dahil ginagamit nang huli ang pangalan ng una sa pagte-text sa isa pang aktres na kanyang pinagseselosan.
Ganito ang kuwento. Walang kamalay-malay si “Pamela” na ginagamit ni “Carmela” ang kanyang pangalan sa tuwing magte-text ng maaanghang na salita kay “Hilary.”
Selos na selos kasi si Carmela kay Hilary na pinagdududahan niyang karelasyon ng kanyang present boyfriend, si “Denzel.” At para nga naman disimulado, Pamela ang ginagamit na pangalan ni Carmela para ito nga naman ang awayin ni Hilary.
Ang hindi alam ni Carmela, nagkabukuhan na. Nagkakuwentuhan kamakailan sina Pamela at Hilary, du’n na-trace na ang origin ng mga malicious text messages ay si Carmela.
Minsan nang nagkaroon ng relasyon sina Pamela at Denzel, pero naudlot agad ito. Si Carmela ay may kapatid na aktres, si “Arianna.” Gets?
* * *
Kung hindi ako nagkakamali, non-exclusive contract ang pinirmahan ni Pauleen Luna sa TV5, this after there seemed to be no definite project yet for her with GMA 7. Huling napanood si Pauleen sa afternoon seryeng Ikaw Sana.
Confident naman ang manager ni Pauleen na si ‘Nay Lolit na tulad ng ginawang pag-aalaga rito ng GMA 7 ay ganoon din ang matitikman nito in her newfound home. In fact, nakipag-joint forces na nga si ‘Nay Lolit kay Annabele Rama dahil sa Singko na rin pumirma ang isang alaga niyang si JC de Vera.
This early, may nilulutong proyektong pagsasamahan sina Pauleen at JC, probably bilang magka-loveteam. “Malawak naman ang industriya natin. Ang maganda pa, may respeto ang mga TV network sa mga talents. In turn, sinusuklian din naman ‘yon ng mga artista sa maayos nilang pagtatrabaho,” katuwiran ni ‘Nay Lolit.
- Latest
