Laban ni Pacman tatapatan nina Sarah at John Lloyd

Seen : Ang Hermes belt na suot ni Mark Bautista sa contract signing ng GMA 7. Hindi sinabi ni Mark ang nagbigay ng kanyang expensive belt. Ngumiti lamang siya.

Scene : “ Mahal” ang term of endearment ni Jolina Magdangal sa kanyang boyfriend na si Mark Escueta.

Seen : Si Toni Gonzaga na ang leading lady ni Vhong Navarro sa pagbabalik-TV ng Kokey. Out na si Angel Locsin sa cast ng Kokey.

Scene : Ang You Changed My Life at Sukob ang mga pelikula ng Star Cinema na itatapat ng ABS-CBN sa Manny Pacquiao-Joshua Clottey boxing fight coverage ng GMA 7.

Seen : Mahigpit na competitor ang tingin ni Atty. Felipe Gozon ng GMA 7 sa TV5 ni Manny V. Pangilinan. Naiintindihan ni Atty. Gozon ang aggresiveness na ipinakikita ng TV5.

Scene : Sina Aubrey Miles at Troy Montero ang tinanong ng mga reporter tungkol sa split-up nina KC Montero at Geneva Cruz. Natiyempuhan sina Aubrey at Troy ng mga reporter sa anniversary party ng FHM sa NBC Tent noong Huwebes ng gabi.

Seen : Ang palengke tour ni Jolo Revilla sa Quezon City. Tinutulungan ni Jolo sa pangangampanya ang kanyang tatay na si Bong Revilla.

Scene : Iniiwasan pa rin ni Rhian Ramos na magpainterbyu dahil ayaw niyang mapag-usapan ang kontrobersiya sa kanilang mag-ina.