Ehra napilitang magpapayat

Girl ang second baby nina Rizal Governor Junjun Ynares at Andrea Bautista-Ynares.

Nang magkita kami ng mag-dyowa sa Annabel’s noong Huwebes, sinabi sa akin ni Andeng na naka-schedule siya na manganak sa March 28.

Pero kahit nasa huling buwan na siya ng pagbu­buntis, abala si Andeng sa pagtulong sa kampanya ng kanyang asawa.

Re-electionist si Junjun bilang Gobernador ng Rizal province at kahit hindi pa panahon ng kam­pan­ya, nagkuwento na ako sa inyo kung paano tinulungan ng mag-asawang Junjun at Andeng sa pagpapa-ospital ang driver ng Startalk na si Don Robert.

Hanggang ngayon, hindi makalimutan ni Don Robert ang kabutihan sa kanya ng mag-asawa. Pati ang mga biktima ng typhoon Ondoy sa Rizal noong September 2009, hindi makalimutan ang mga tulong na ipinarating sa kanila ni Governor Junjun.

Bakit ko naalaala ang mga kabutihan ni Papa Junjun? May mga kumakalat na paninira laban sa kanya pero imbes na siraan ang detractors niya, ipinag­patuloy ni Papa Jun ang mga project niya sa Rizal at nang magkita kami noong Huwebes, wala akong narinig na siniraan niya ang kanyang detractors.

* * *

Ipinapanood ni Andeng ang video na porject niya bilang birthday gift sa kanyang dyowa noong March 4.

Cute ang video na ipinakita si Papa Junjun na nakasuot ng costume ni Superman, Batman, Spiderman, at Panday.

Bumati kay Papa Junjun ng happy birthday ang mga mayor ng Rizal, ang kanyang biyenan na si Mang Ramon Revilla, ang bayaw na si Bong Revilla at ang pamilya niya.

Ginulat ako ni Mang Ramon dahil hindi ito mukhang 83 years old sa video na napanood ko. Bagets na bagets ang itsura ni Mang Ramon ‘huh!

* * *

In fairness, pumayat na si Ehra Madrigal nang ma-sight ko siya sa contract signing niya sa GMA 7 noong Huwebes.

Sineryoso na yata ni Ehra ang pagpapapayat dahil nasawa na siya sa madalas na reminder ni Annabelle Rama na mag-diet siya. Dahil nabawasan ng timbang, gumanda at sumeksi si Ehra.

* * *

Binigyan ako ni Jun Lalin ng brochure ng Azure, ang urban resort residences na bagong endorsement ni Ruffa Gutierrez.

Impressive ang Azure. Sino ang mag-aakala na lilitaw sa South Expressway ang isang community na mala-resort ang dating eh wala naman beach o dagat sa Laguna area?

Ang Century Properties ang developer ng Azure. Na-realize ko na kapalaran na talaga ni Ruffa ang maging endorser ng mga kompanya na Century ang name dahil naging talent siya noon ng Century Productions. Natatandaan ko pa na si Ruffa ang nag-host ng New Year’s Millennium countdown noong 2000 sa Disneyland, Florida!

* * *

Ni-renew namin kahapon nina Ricky Lo at Butch Francisco ang kontrata namin bilang mga host ng Startalk.

At dahil nag-sign kami ng exclusive contract, hindi na talaga matutuloy ang paglipat ni Ricky Lo sa TV5. Tapos na rin ang kuwento na tatlong shows ang offer kay Butch ng TV network ni Papa Manny Pangilinan.

Mananatili kaming Kapuso nina Papa Ricky at Butch. Sama-sama pa rin tayong lahat sa Startalk tuwing Sabado.